Jehova Endete Andũ Atheru

“Wĩthambe moko. Haata na ũbange nyũmba ĩyo. Thiĩ ũte mahuti mau.” Aciari aingĩ nĩ marutaga ciana ciao ũrĩa cingĩikara irĩ theru kĩĩmwĩrĩ. O na kũrĩ ũguo, motaaro macio megiĩ ũtheru moimanĩte na Jehova, Ngai witũ mũtheru. (Tham 30:18-20; Gũc 23:14; 2Ko 7:1) Rĩrĩa twaiga mĩĩrĩ itũ ĩrĩ mĩtheru na indo citũ irĩ theru, nĩ tũgoocithagia Jehova. (1Pe 1:14-16) Ĩ nayo mĩciĩ itũ na kũrĩa gũtũthiũrũrũkĩirie? Ngũrani na andũ arĩa mateaga mahuti njĩra-inĩ na kũndũ gwa kũhurũka, Akristiano mekaga ũrĩa wothe mangĩhota kũiga thĩ ĩrĩ theru. (Thb 115:16; Kũg 11:18) O na tũmaũndũ tũnini, ta ũrĩa tũteaga tũratathi twa thwiti, cuba cia soda, na thwiti ya gũtanuka, nĩ kuonanagia mwerekera witũ wĩgiĩ ũtheru. Ũtũũro-inĩ witũ wothe, twendaga ‘kuonania atĩ tũrĩ ndungata cia Ngai.’—2Ko 6:3, 4.

WĨRORERE VIDEO YA NGAI ENDETE ANDŨ ATHERU ŨCOKE ŨCOKIE CIŨRIA ICI:

• Nĩ itũmi irĩkũ andũ amwe mangĩruta cia kwaga kũiga indo ciao irĩ theru?

• Watho wa Musa wonanĩtie atĩa mawoni ma Jehova megiĩ ũtheru?

• Tũngĩgoocithia Jehova atĩa o na tũtekwaria?