“Thĩ Yothe Ĩgĩthiĩ na Mbere Gũkorũo na Rũthiomi Rũmwe”

11:1-4, 6-9

Itũũra-inĩ rĩa Babeli, Jehova nĩ aahurunjire andũ arĩa mataarĩ athĩki na njĩra ya kũhĩngĩcania rũthiomi rwao. Mahinda-inĩ maya, nĩ aracokanĩrĩria andũ kĩrĩndĩ kĩnene kuuma ndũrĩrĩ ciothe na thiomi na akamahe “rũthiomi rũtheru” nĩgetha ‘makayagĩre rĩĩtwa rĩa Jehova, na mamũtungatagĩre marĩ na ũrũmwe.’ (Zef 3:9; Kũg 7:9) ‘Rũthiomi rũu rũtheru’ nĩ ma ĩrĩa ĩrĩ Maandĩko-inĩ ĩgiĩ Jehova na mĩoroto yake.

Kwĩruta rũthiomi rwerũ to kũmenya ciugo tu. Nĩ kũbataraga kũgĩa na njĩra njerũ ya mwĩcirĩrie. Na njĩra o ta ĩyo, rĩrĩa tũreruta rũthiomi rũtheru rwa ũhoro wa ma, meciria maitũ nĩ magarũragwo. (Ro 12:2) Ũcio ti ũndũ wĩkĩkaga o rĩmwe, no nĩ ũndũ wa gũthiĩ na mbere ũrĩa ũteithagia andũ a Ngai makorũo na ũrũmwe.—1Ko 1:10.