Nĩ Kĩĩ Gĩatũmire Jehova Ahe Aburamu na Sarai Marĩĩtwa Mangĩ?

17:1, 3-5, 15, 16

Jehova oonaga Aburamu arĩ mũndũ ũtarĩ na ũcuke. Rĩrĩa eerire Aburamu ũhoro makĩria wĩgiĩ kĩĩranĩro gĩake, nĩ aaheire Aburamu na Sarai marĩĩtwa moonanagia ũrĩa kũngĩgekĩka ihinda rĩũkĩte.

O ta ũrĩa marĩĩtwa macio moigĩte, Iburahimu aatuĩkire ithe wa ndũrĩrĩ nyingĩ na gũkĩgĩa athamaki aingĩ kũgerera harĩ Sara.

• 

  Iburahimu

  Ithe wa Mũingĩ

• 

  Sara

  Mũtumia wa kwa Mũthamaki

Tũtingĩĩthuurĩra rĩĩtwa rĩrĩa tũkũheo twaciarũo. No o ta Iburahimu na Sara, no twĩthondekere rĩĩtwa. Ta wĩyũrie:

• ‘Nĩ na njĩra ĩrĩkũ ingĩkorũo itarĩ na ũcuke mbere ya Jehova?’

• ‘Ndĩrethondekera rĩĩtwa rĩhaana atĩa harĩ Jehova?’