Gooca Jehova na Njĩra ya Gũtuĩka Painia

Aisiraeli maarĩ na itũmi nyingĩ cia kũgooca Jehova. Nĩ aamarutĩte Misiri na akamahonokia kuuma harĩ mbũtũ ya Firauni. (Tham 15:1, 2) Jehova no arathiĩ na mbere gwĩkĩra andũ ake maũndũ mega. Tũngĩonania ngatho citũ atĩa?—Thb 116:12.

Njĩra ĩmwe nĩ gũtungata ũrĩ painia wa gũteithĩrĩria kana wa hĩndĩ ciothe. No ũhoe Jehova akũhe wendi o na ũhoti wa gũtungata ũrĩ painia. (Afi 2:13) Andũ aingĩ mambagĩrĩria na gũtungata marĩ mapainia a gũteithĩrĩria. No ũthuure kũhingia mathaa 30 kana 50 mĩeri-inĩ ya Machi na Ĩpuro na mweri-inĩ ũrĩa mũrĩ na iceera rĩa mũrori wa mũthiũrũrũko. Thutha wa gũcama gĩkeno kĩrĩa kiumanaga na gũtungata ũrĩ painia wa gũteithĩrĩria, wahota kũgĩa na wendi wa gũtungata ũrĩ painia wa hĩndĩ ciothe. O na andũ amwe arĩa marutaga wĩra wa hĩndĩ ciothe, kana arĩa matarĩ na ũgima mwega wa mwĩrĩ nĩ mahotete gũtungata marĩ mapainia a hĩndĩ ciothe. (mwb16.07 8) Hatarĩ nganja, Jehova nĩ agĩrĩire ũndũ o wothe tũngĩima nĩguo tũhote kũmũgooca.—1Ma 16:25.

WĨRORERE VIDEO YA AARĨ A NYINA ŨMWE ATATŨ KUUMA MONGOLIA, ŨCOKE ŨCOKIE CIŨRIA ICI:

• 

  Nĩ moritũ marĩkũ aarĩ a nyina ũmwe atatũ maahiũranirie namo nĩguo matuĩke mapainia?

• 

  Nĩ irathimo irĩkũ magĩĩte nacio?

• 

  Nĩ mĩeke ĩrĩkũ ĩngĩ maagĩire nayo nĩ ũndũ wa gũtungata marĩ mapainia a hĩndĩ ciothe?

• 

  Kĩonereria kĩao kĩhutĩtie andũ angĩ na njĩra ĩrĩkũ?