Wĩtheme Gũtheremia Ũhoro Ũtarĩ wa Ma

Ũmũthĩ, ũhoro no ũkinyĩrio andũ milioni nyingĩ na ihenya mũno ũrĩ mũcabe, kũgerera redio, TV, na Intaneti. Andũ arĩa mathathayagia “Ngai wa ũhoro wa ma” nĩ methemaga gũtheremia ũhoro ũtarĩ wa ma o na matekũmenya. (Thb 31:5; Tham 23:1) Ndeto itarĩ cia ma ingĩtheremio no ikorũo na moimĩrĩro moru mũno. Rĩrĩa ũratuĩria kana ũhoro mũna nĩ wa ma, wĩyũrie ũũ:

• ‘Hihi kĩhumo kĩaguo nĩ gĩa kwĩhokeka?’ Ũrĩa ũraheana ũhoro ũcio no akorũo atoĩ maũndũ mothe. Ndeto cia gũkinyanĩrio kaingĩ nĩ icenjagia, kwoguo wĩmenyagĩrĩre angĩkorũo ndũĩ wega kĩhumo kĩa ũhoro mũna. Tondũ andũ arĩa mehokeirũo maũndũ kĩũngano-inĩ nĩ merĩgagĩrĩrũo atĩ ũhoro ũrĩa maraheana nĩ wa ma, nĩ magĩrĩirũo kwĩmenyerera mũno matigatheremie ũhoro ũtoĩkaine kana nĩ wa ma

• ‘Hihi ũhoro ũcio nĩ wa njambanio?’ Angĩkorũo ũhoro ũcio nĩ ũrathũkĩria mũndũ rĩĩtwa kana ũkamenereria gĩkundi kĩna, ti wega kũũtheremia.​—⁠Thi 18:8; Afi 4:8

• ‘Hihi mũndũ angĩigua ũhoro ũcio no awĩtĩkie?’ Wĩmenyagĩrĩre rĩrĩa ũrathikĩrĩria ndeto cia kũgegania

WĨRORERE VIDEO YA INGĨĨTHEMA ATĨA MŨCENE MŨRŨ? ŨCOKE ŨCOKIE CIŨRIA ICI:

• 

  Kũringana na Thimo 12:18, ciugo ingĩkorũo na moimĩrĩro marĩkũ?

• 

  Afilipi 2:4 ĩtũteithagia atĩa gũkorũo na mawoni maigananĩru megiĩ kwaria ndeto cia andũ arĩa angĩ?

• 

  Twagĩrĩirũo gwĩka atĩa rĩrĩa andũ mambĩrĩria kũmenereria arĩa angĩ?

• 

  Nĩ ciũria irĩkũ twagĩrĩirũo kwĩyũria tũtanambĩrĩria kwaria ndeto cia andũ arĩa angĩ?