Hihi no Ũheane Mahinda na Hinya Waku?

O ta ũrĩa mũnabii Isaia aarathĩte, nĩ tũrona gĩcunjĩ gĩa gũkũ thĩ gĩa ithondeka rĩa Jehova gĩgĩkũra na njĩra nene. (Isa 54:2) Nĩ ũndũ ũcio nĩ kũbataraga gwakwo Nyũmba cia Ũthamaki, Nyũmba cia Igomano, na Wabici cia Honge. Thutha wa gwakwo, nyũmba icio nĩ ibataraga kũmenyererũo na ingĩ ikabatara gũcokererio kũrĩa gwathũka. Ũndũ ũcio ũtũheaga mĩeke ĩrĩkũ ya kũheana mahinda na hinya witũ kũrĩ Jehova?

• No tũteithĩrĩrie gũthambia Nyũmba ya Ũthamaki rĩrĩa gĩkundi gitũ gĩa kũhunjia kĩagaĩrũo

• No twĩrutĩre kũmenyerio ũhoro wĩgiĩ kũmenyerera Nyũmba itũ ya Ũthamaki

• Mahinda kwa mahinda no tũihũragie fomu ya Ombi la Kujitolea Katika Kazi ya Usanifu na Ujenzi (DC-50) nĩ ũndũ wa gũteithĩrĩria gwaka na kũmenyerera mĩako ĩrĩa ĩrĩ hakuhĩ na gwitũ

• No tũihũrie fomu ya Ombi la Kuwa Mjitoleaji (A-19) na twĩrutĩre gũteithĩrĩria kwa ihinda rĩa kiumia kĩmwe kana makĩria thĩinĩ wa Betheli kana wĩra-inĩ ũngĩ rungu rwa wabici itũ ya rũhonge

WĨRORERE GACUNJĨ KA VIDEO YA​—⁠MŨBANGO WA GWAKA MWAKO MWERŨ, ŨCOKE ŨCOKIE CIŨRIA ICI:

• Video ikoretwo ikĩhũthĩrũo na gĩkĩro kĩrĩkũ kuuma mwaka wa 2014?

• Nĩ ũndũ wa video gũkorũo ikĩrutwo na gĩkĩro kĩnene-rĩ, nĩ mwako ũrĩkũ ũbangĩtwo, na ũkuoya ihinda rĩigana atĩa?

• Erutĩri mangĩteithĩrĩria atĩa wĩra-inĩ ũyũ?

• Angĩkorũo no wende gũteithĩrĩria mwako-inĩ wa Ramapo, nĩkĩ nĩ wagĩrĩirũo kũihũria fomu (DC-50) na ũteithĩrĩrie wĩra-inĩ wa Rũhonge rwa Gũcora/Mĩako hakuhĩ na kwanyu?

• Nĩ ũira ũrĩkũ ũronania atĩ Jehova nĩ akoretwo agĩtongoria wĩra ũyũ?

• Tũngĩteithĩrĩria wĩra ũyũ na njĩra irĩkũ o na angĩkorũo tũtingĩhota gũthiĩ gwaka?