Kambĩini ya Mwanya ya Kũmenyithania Ũthamaki wa Ngai Mweri-inĩ wa Novemba

Jesu nĩ aahunjirie “ũhoro ũrĩa mwega wa Ũthamaki wa Ngai.” (Lu 4:43) Ningĩ nĩ aarutire andũ mahoyage atĩ Ũthamaki ũcio ũũke. (Mat 6:9, 10) Mweri-inĩ wa Novemba, nĩ tũgaakorũo na kambĩini ya mwanya ya kũmenyithania Ũthamaki wa Ngai. (Mat 24:14) Banga maũndũ maku nĩguo ũkaanyitanĩra biũ thĩinĩ wa kambĩini ĩyo. Arĩa magaatungata marĩ mapainia a gũteithĩrĩria no mathuure kũhingia mathaa 30 kana 50 mweri-inĩ ũcio.

Teithia andũ aingĩ o ũrĩa kwahoteka gĩcigo-inĩ kĩanyu kũmenya rĩandĩko rĩgiĩ Ũthamaki wa Ngai. Ũgĩthuura rĩandĩko rĩrĩa ũkũhũthĩra, wĩcirie ũhoro wa maũndũ ma kĩndini ma arĩa ũkũhunjĩria. Mũndũ angĩonania wendi wamũhunjĩria riita rĩa mbere, mũhe riuma rĩa andũ othe rĩa ngathĩti ya Mũrangĩri Na. 2 2020. Ũcoke ũmũcokere na ihenya o ũrĩa kwahoteka na ũgerie kwambĩrĩria wĩruti wa Bibilia ũkĩhũthĩra ibuku rĩmwe rĩrĩ Gathandũkũ-inĩ Gaitũ ka Indo cia Kũrutana. Ihinda rĩrĩa rĩtigarĩte nĩguo Ũthamaki wa Ngai ũniine thirikari ciothe iria ciũkararagia nĩ inini. (Da 2:44; 1Ko 15:24, 25) Nĩ ũndũ ũcio, nĩ tũhũthĩrei mweke ũyũ wa mwanya wa kuonania wĩhokeku witũ harĩ Jehova na Ũthamaki wake!