MŨTHITHŨ KUUMA KIUGO-INĨ KĨA NGAI | MAŨNDŨ MA ALAWII 4-5
Heaga Jehova Kĩrĩa Kĩega Biũ
Thĩinĩ wa Isiraeli, gũkorũo mũndũ arĩ mũthĩni gũtingĩamũgirĩrĩirie arute igongona nĩguo agĩe na thayũ hamwe na Jehova. O na Aisiraeli arĩa athĩni biũ nĩ mangĩahotire kũruta igongona rĩretĩkĩrĩka nĩ Jehova, angĩkorũo nĩrĩo rĩega biũ mangĩahotire kũruta. Nĩ mangĩarutire mũtu, no Jehova eerĩgagĩrĩra mũtu ũcio ũkorũo ũrĩ “mũhinyu,” ta ũrĩa wahũthagĩrũo kũrugĩra ageni a gĩtĩo. (Kĩa 18:6) O na matukũ-inĩ maya, Jehova nĩ etĩkagĩra ‘igongona ritũ rĩa kũmũgooca,’ angĩkorũo nĩrĩo rĩega biũ tũngĩhota kũmũhe gũkĩringana na ũrĩa maũndũ maitũ mahaana.—Ahi 13:15.
Ũndũ ũyũ ũngĩgwĩkĩra ngoro atĩa angĩkorũo ndũngĩhota gwĩka maũndũ maingĩ ta ũrĩa wekaga hau kabere, hihi nĩ ũndũ wa mũrimũ kana kũnyihĩrũo nĩ hinya?