MŨTHITHŨ KUUMA KIUGO-INĨ KĨA NGAI | MAŨNDŨ MA ALAWII 10-11
Wendo Harĩ Jehova Ũbatiĩ Gũkorũo na Hinya Gũkĩra Wendo Harĩ Famĩlĩ
Wĩhokeku witũ harĩ Jehova no ũgerio mũno rĩrĩa mũndũ twendete eherio kĩũngano-inĩ. Ũtongoria ũrĩa Jehova aaheire Haruni nĩ ũkoragwo na ũtaaro wa ĩmwe kwa ĩmwe kũrĩ andũ arĩa mangĩbatara gũtiga kũnyitanĩra na mũndũ wao wa famĩlĩ weheretio kĩũngano-inĩ. No mũhaka wendo witũ harĩ Jehova ũkorũo na hinya gũkĩra wendo witũ harĩ andũ a famĩlĩ arĩa magĩte kwĩhokeka harĩ Jehova.
Andũ arĩa mathĩkagĩra ũtongoria wa Jehova wĩgiĩ arĩa meheretio kĩũngano-inĩ mangĩgĩa na irathimo irĩkũ?—1Ko 5:11; 2Joh 10, 11