Hũthagĩra Ngerekano Gũtaarĩria Maũndũ ma Bata

Rĩrĩa tũracokera andũ kana tũreruta Bibilia na andũ, nĩ twagĩrĩirũo kũmateithia gũtaũkĩrũo nĩ maũndũ ma bata. Tũngĩhũthĩra ngerekano gũtaarĩria maũndũ macio, no tũhutie ngoro ciao na tũmateithie kũmaririkana.

Ũkĩĩhaarĩria gũcokera mũndũ kana kwĩruta Bibilia na mũndũ, thuuraga maũndũ manene marĩa ũgũtaarĩria na ngerekano, no ti tũmaũndũ tũnini. Ũcoke ũthuure ngerekano hũthũ kuumana na maũndũ ma ũtũũro wa o mũthenya. (Mat 5:14-16; Mar 2:21; Lu 14:7-11) Wĩciragie maũndũ marĩa athikĩrĩria aku moĩ na maũndũ marĩa mekaga. (Lu 5:2-11; Joh 4:7-15) Wona mũndũ akenete nĩ ũndũ wa gũtaũkĩrũo nĩ ũndũ, o nawe nĩ ũrĩkenaga.

WĨRORERE VIDEO YA GĨAGA NA GĨKENO GĨA GŨTUA ANDŨ ARUTWO​—AGAGĨRIA ŨHOTI WA KŨRUTANA​— KŨHŨTHĨRA NGEREKANO GŨTAARĨRIA MAŨNDŨ MA BATA, ŨCOKE ŨCOKIE CIŨRIA ICI:

• 

  Nĩ kĩĩ kĩngĩtũma arutwo mabatare gũteithio gũtaũkĩrũo nĩ mĩhari ĩmwe ya Bibilia?

• 

  Anita aahũthĩrire ngerekano ĩrĩkũ gũtaarĩria rĩandĩko rĩa Aroma 5:12?

• 

  Ngerekano njega ingĩkorũo na moimĩrĩro marĩkũ harĩ andũ arĩa maratũthikĩrĩria?

• Rĩrĩa tũrĩ ũtungata-inĩ-rĩ, nĩkĩ nĩ twagĩrĩirũo kũhũthĩra video na indo ingĩ cia kũrutana iria tũheagwo nĩ ithondeka rĩa Jehova?