Kũrũngwo Kuonanagia Wendo wa Jehova

Kũrũngwo gũkoragwo kũhutĩtie gũtaarũo na gũthomithio, no ningĩ nĩ kuhutĩtie kũherithio nĩ ũndũ wa ũndũ ũtarĩ mwega. Jehova atũrũngaga nĩguo tũmũtungatĩre na njĩra ĩrĩa njĩtĩkĩrĩku. (Ro 12:1; Ahi 12:10, 11) Rĩmwe kũrũngwo nĩ gũkoragwo na ruo, no kũrehaga ũthingu na irathimo. (Thi 10:7) Nĩ ũndũ ũrĩkũ arĩa mararũngana na arĩa mararũngwo magĩrĩirũo kũririkana?

Arĩa mararũngana. Athuri a kĩũngano, aciari, na angĩ arĩa mararũngana nĩ magĩrĩirũo kwĩrutanĩria gwĩka ũguo na njĩra ya tha na wendo o ta ũrĩa Jehova ekaga. (Je 46:28) O na rĩrĩa mũndũ ararũngwo nĩ ũndũ wa ũndũ mũritũ ekĩte, ũndũ ũcio wagĩrĩire gwĩkwo na njĩra ya wendo.—Tit 1:13.

Arĩa mararũngwo. Gũtekũmakania njĩra ĩrĩa twarũngwo nayo, tũtiagĩrĩirũo kũrega no twagĩrĩirũo gwĩtĩkĩra na ihenya na tũhũthĩre ũtaaro ũrĩa twaheo. (Thi 3:11, 12) Tondũ tũtirĩ akinyanĩru, ithuothe nĩ tũbataraga kũrũngwo na njĩra itiganĩte. No tũrũngwo rĩrĩa tũrathoma Bibilia kana mĩcemanio-inĩ ya kĩũngano. No kũrĩ hĩndĩ andũ angĩ mangĩbatara kũrũithio kũgerera kamĩtĩ ya ciira. Tũngĩtĩkĩra ũtaaro na tũũrũmĩrĩre, no tũkorũo na ũtũũro mwega na nĩ tũkaaheo muoyo wa tene na tene.—Thi 10:17.

WĨRORERE VIDEO YA “JEHOVA NĨ ARŨNGAGA ANDŨ ARĨA ENDETE,” ŨCOKE ŨCOKIE CIŨRIA ICI:

• 

  Ũtũũro wa Canon wahaanaga atĩa kĩambĩrĩria-inĩ, na wacenjirie atĩa?

• 

  Aarũngirũo atĩa na njĩra ya wendo nĩ Jehova?

• 

  Tũreruta atĩa kuumana na rũgano rũu rwake?