Hũthagĩra Ibuku rĩa Kenera Ũtũũro Tene na Tene! Ũtungata-inĩ

Twĩ na gĩkeno mũno gũkorũo na broshua na ibuku rĩerũ, cia kwĩruta Bibilia na andũ. Tũrahoya Jehova arathime kĩyo gitũ nĩguo tũtue andũ aingĩ arutwo. (Mat 28:18-20; 1Ko 3:6-9) Tũngĩhũthĩra indo icio atĩa?

Tondũ ibuku rĩa Kenera Ũtũũro Tene na Tene! rĩrĩ na njĩra njerũ cia kũrutana, rũmĩrĩra maũndũ maya monanĩtio haha ũkĩĩhaarĩria na ũkĩĩruta Bibilia na andũ.a

• Thomai ũhoro ũrĩa mũrarĩrĩria na mwarĩrĩrie ciũria

• Thomai maandĩko marĩa mandĩkĩtwo “thomai,” na ũteithie mũrutwo ataũkĩrũo ũrĩa angĩmahũthĩra ũtũũro-inĩ wake

• Thaakai video na mũciarĩrĩrie, mũkĩhũthĩra ciũria iria cionanĩtio

• Geriai kũrĩkagia ithomo rĩmwe rĩrĩa mũreruta

Ũrĩ ũtungata-inĩ, ambaga kũheana broshua nĩguo wone kana mũndũ nĩ arakenio nĩ ũhoro. (Rora gathandũkũ, “Ũrĩa Ũngĩheana Broshua ya Kenera Ũtũũro Tene na Tene! Ũkĩhunjĩria Mũndũ rĩa Mbere.”) Mũngĩrĩkia kwĩruta broshua na mũrutwo no ende gũthiĩ na mbere kwĩruta, mũhe ibuku na mwambĩrĩrie kwĩruta kuuma ithomo rĩa 04. Angĩkorũo nĩ ũreruta na mũndũ ibuku rĩa Bibilia Ĩtũrutaga kana rĩa Tũũra Wendo-inĩ wa Ngai, cenjiai mwambĩrĩrie kwĩruta ibuku rĩa Kenera Ũtũũro Tene na Tene! na ũthuure nĩ ha mũkwambĩrĩria.

WĨRORERE VIDEO YA AMBĨRĨRIA KWĨRUTA BIBILIA, ŨCOKE ŨCOKIE CIŨRIA ICI:

• Nĩ maũndũ marĩkũ arutwo a Bibilia mekwĩruta kuuma ibuku-inĩ rĩu rĩerũ?

• Wagĩrĩirũo kuonia arutwo erũ video ĩno nĩkĩ?

• Nĩ mĩoroto ĩrĩkũ ũngĩkĩra mũrutwo ngoro eigĩre na erutanĩrie kũmĩkinyĩra?—Rora gathandũkũ “Muoroto na Maũndũ Ũngĩgeria Gwĩka Harĩ O Gĩcunjĩ”