Thiĩ na Mbere Kũmenyeria Ũhoti Waku wa Gũtaũkĩrũo

No mũhaka mũtengʼeri athiĩ na mbere kũmenyeria mwĩrĩ wake nĩgetha ahote gũtengʼera wega. O na ithuĩ no mũhaka tũthiĩ na mbere kwĩrutanĩria kũmenyeria na gũtũũria ũhoti witũ wa gũtaũkĩrũo. (Ahi 5:14) O na gũtuĩka nĩ ũndũ mũhũthũ kwenda gũtua matua ta ma andũ arĩa angĩ, twagĩrĩirũo kũhũthĩra ũhoti witũ wa gwĩciria na twĩtuĩre matua ithuĩ ene. Nĩkĩ? Tondũ o ũmwe witũ nĩ akoorio nĩ ũndũ wa matua marĩa atuaga.—Ro 14:12.

Tũtiagĩrĩirũo gwĩciria atĩ nĩ tũgũtua matua mega atĩ tondũ tu tũkoretwo ũhoro-inĩ wa ma mĩaka mĩingĩ. Nĩguo tũtue matua ma ũũgĩ, twagĩrĩirũo kwĩhoka Jehova biũ, twĩhoke Kiugo gĩake, na ithondeka rĩake.—Jos 1:7, 8; Thi 3:5, 6; Mat 24:45.

WĨRORERE VIDEO YA “TŨŨRIA THAMIRI NJEGA” ŨCOKE ŨCOKIE CIŨRIA ICI:

• 

  Nĩ itua rĩrĩkũ Emma aabataraga gũtua?

• 

  Twagĩrĩirũo gwĩthema kũheana mawoni maitũ maũndũ-inĩ megiĩ thamiri nĩkĩ?

• 

  Nĩ ũtaaro ũrĩkũ mwega Emma aaheirũo nĩ mũthuri ũmwe na mũtumia wake?

• 

  Emma aarutire kũ ũhoro wamũteithirie gũtua itua rĩrĩa rĩagĩrĩire?