ŨTŨŨRO WA GĨKRISTIANO
Maũndũ Marĩa Tũngĩĩruta Kuumana na Ũtũũro wa Samueli
Samueli aatũũrire arĩ mwĩhokeku harĩ Jehova ũtũũro-inĩ wake wothe. Arĩ o kamwana kanini, nĩ aaregire kũrũmĩrĩra kĩonereria kĩũru kĩa ariũ a Eli, Hofini na Finehasi. (1Sa 2:22-26) Samueli agĩthiĩ na mbere gũkũra, na Jehova agĩkorũo hamwe nake. (1Sa 3:19) O na arĩ mũkũrũ aathiire na mbere gũkorũo arĩ mwĩhokeku harĩ Jehova, o na gũtuĩka ariũ ake matiarĩ ehokeku.—1Sa 8:1-5.
Kĩonereria kĩu gĩa Samueli kĩratũruta atĩa? Angĩkorũo wĩ mũndũ mwĩthĩ, korũo na ma atĩ Jehova nĩ arataũkĩrũo nĩ moritũ marĩa ũragerera na ũrĩa ũraigua. No agũteithie gũkorũo na ũmĩrĩru. (Isa 41:10, 13) Angĩkorũo ũrĩ mũciari wĩ na mwana ũtigĩte gũtungatĩra Jehova, kũmenya atĩ Samueli ndangĩatindĩkĩrĩirie ariũ ake gũikara marĩ ehokeku harĩ Jehova no gũkũũmĩrĩrie. Aatigire maũndũ moko-inĩ ma Jehova, agĩtũũria wĩhokeku wake, na kwoguo agĩkenia Jehova. No kũhoteke kĩonereria gĩaku kĩega no gĩteithie mwana waku gũcokerera Jehova.
WĨRORERE VIDEO YA WĨRUTE KUUMA KŨRĨ O—SAMUELI, ŨCOKE ŨCOKIE CIŨRIA ICI:
Samueli oonanirie atĩa ũmĩrĩru arĩ o kamwana kanini?
Danny oonanirie ũmĩrĩru atĩa?
Samueli aaigire kĩonereria kĩega atĩa arĩ mũkũrũ?
Jehova nĩ ateithagia arĩa marũgamaga na ũndũ ũrĩa wagĩrĩire
Aciari a Danny maaigire kĩonereria kĩega atĩa?