MŨTHITHŨ KUUMA KIUGO-INĨ KĨA NGAI

Wĩhokage Jehova Agũteithie

Jehova nĩ aiguaga rĩrĩa twamũkaĩra atũteithie (2Sa 22:7)

Jehova nĩ arĩ hinya gũkĩra thũ o yothe (2Sa 22:14-18; cl 22 kĩb. 11)

Jehova nĩ onanagia wĩhokeku wake na njĩra ya gũtũteithia (2Sa 22:26; w10 6/1 26 kĩb. 4-6)

Mbica: 1. Mwarĩ wa Ithe witũ mwĩthĩ aikarĩte thĩ ainamĩtie mũtwe nake nyina aramũnegenia agĩtarũraga mabuku make. 2. Mwarĩ wa Ithe witũ o ũcio agĩthoma Bibilia. 3. Akĩaria na aarĩ na ariũ a Ithe witũ Nyũmba-inĩ ya Ũthamaki.

Jehova nĩ arĩ ũhoti wa gũtwehereria magerio maitũ. O na kũrĩ ũguo, kaingĩ nĩ gũtũteithia atũteithagia kũhiũrania namo kũgerera roho wake mũtheru, Kiugo gĩake, na aarĩ na ariũ a Ithe witũ. (Thb 55:22) Tũngĩka atĩa nĩguo twamũkĩre ũteithio wa Ngai?