MŨTHITHŨ KUUMA KIUGO-INĨ KĨA NGAI

Thuura na Ũũgĩ Mũndũ wa Kũhikania Nake

Suleimani eekire ũndũ ũtarĩ wa ũũgĩ akĩhikia atumia maathathayagia ngai cia maheeni (1Ath 11:1, 2; w18.07 18 kĩb. 7)

Atumia a Suleimani maatũmire ngoro yake yeherere Jehova o kahora (1Ath 11:3-6; w19.01 15 kĩb. 6)

Jehova nĩ aarakaririo nĩ Suleimani (1Ath 11:9, 10; w18.07 19 kĩb. 9)

Mbica: Mwarĩ wa Ithe witũ ũtarĩ mũhiku akĩĩruta Bibilia na nĩ areciria ũhoro wa mũrũ wa Ithe witũ ũtahikanĩtie. 1. Mũrũ wa Ithe witũ ũcio agĩcokia mĩcemanio-inĩ. 2. Akĩhunjia gakaari-inĩ. 3. Agĩteithĩrĩria kũmenyerera Nyũmba ya Ũthamaki.

Kiugo kĩa Ngai gĩtaaraga Akristiano arĩa matahikanĩtie mahikanie “thĩinĩ wa Mwathani tu.” (1Ko 7:39) O na kũrĩ ũguo, gũkorũo tu mũndũ nĩ mũbatithie ti kuuga atĩ nĩ mũndũ mwega wa kũhikania nake. Hihi mũndũ ũcio nĩ egũgũteithia gũthiĩ na mbere gũtungatĩra Jehova na ngoro yothe? Hihi nĩ onanĩtie kwa ihinda rĩigana ũna atĩ nĩ endete Jehova biũ? Ũtanetĩkĩra kũhikania na mũndũ, amba ũhũthĩre ihinda kũmũmenya wega.