ŨTŨŨRO WA GĨKRISTIANO

Hihi nĩ Wĩhaarĩirie Kũhiũrania na Moritũ ma Kĩĩmbeca?

Tũtigegaga rĩrĩa tuona maũndũ marĩa marekĩka thĩinĩ wa thĩ magĩtũma kũgĩe na moritũ ma kĩĩmbeca thĩ yothe. Nĩkĩ? Tondũ tũratũũra mũthia-inĩ wa matukũ ma kũrigĩrĩria, na Bibilia ĩtũheaga mũkaana ĩgatwĩra tũtikaige kĩĩrĩgĩrĩro gitũ harĩ “ũtonga ũrĩa ũtamenyagĩrũo.” (1Ti 6:17; 2Ti 3:1) Kĩonereria kĩa Mũthamaki Jehoshafatu kĩratũruta atĩa igũrũ rĩgiĩ kwĩhaarĩria nĩ ũndũ wa moritũ ma kĩĩmbeca?

Rĩrĩa Jehoshafatu aatharĩkĩirũo nĩ ndũrĩrĩ iria ciarĩ thũ ciao, nĩ eehokire Jehova. (2Ma 20:9-12) Ningĩ nĩ aahaarĩirie maũndũ kabere thĩinĩ wa bũrũri wake, na njĩra ya gũthondeka matũũra marĩ na ũgitĩri na kambĩ cia thigari. (2Ma 17:1, 2, 12, 13) O ta Jehoshafatu, nĩ twagĩrĩirũo kwĩhoka Jehova na kwĩhaarĩria ũrĩa tũngĩhiũrania na moritũ.

TŨNGĨKA ATĨA NĨGUO TWĨHAARĨRIE NĨ ŨNDŨ WA MORITŨ MA KĨĨMBECA?

Wĩhaarĩrie kĩĩroho: Wĩrute kũiganĩra, na wĩkĩre hinya wĩtĩkio waku atĩ Jehova no ahote gũkũhingĩria mabataro maku ma o mũthenya. (Mat 6:26; 1Ti 6:8) Tua itua atĩ ndũngĩaga kũrũmĩrĩra motaaro ma Bibilia nĩguo ũhingie mabataro macio. (Ro 2:21) Wĩcirie ũrĩa ũngĩona irio cia kĩĩroho kũngĩkorũo gũtarĩ na thitima kana Intaneti. Tigĩrĩra atĩ wĩ na mabuku maigana ũna macabe, na kũngĩhoteka, ũrute kabere mabuku ma kũhũthĩrũo thimũ-inĩ.

Wĩhaarĩrie kĩĩmwĩrĩ: Nyihanyihia mathiirĩ na mahũthĩro matarĩ ma o mũhaka moritũ ma kĩĩmbeca matanaumĩra. (Thi 22:7) Kũngĩhoteka, wĩigĩre mũigana mũna wa irio na indo ingĩ iria ũngĩbatara. Andũ amwe nĩ monaga arĩ wega gũkorũo na kamũgũnda ka nyeni nĩguo mahonokie mbeca.

WĨRORERE VIDEO YA HIHI NĨ WĨHAARĨIRIE NĨ ŨNDŨ WA ICANJAMA? ŨCOKE ŨCOKIE CIŨRIA ICI:

Mbica kuuma video-inĩ ya “Hihi nĩ Wĩhaarĩirie nĩ Ũndũ wa Icanjama?” Tũbica tũrĩa tũthiũrũrũkĩirio tũronania Bibilia, kamũhuko ga gwĩthara na thimũ, na aruti wĩra a mĩako.

Nĩ atĩa tũngĩka nĩguo tũkorũo twĩhaarĩirie nĩ ũndũ wa gĩcanjama?

Your answer

Tũngĩĩhaarĩria atĩa gũteithia andũ arĩa angĩ?

Your answer