ŨTŨŨRO WA GĨKRISTIANO
Jehova nĩ Ahonokagia Arĩa Mahehenjekete Roho
Rĩmwe na rĩmwe ithuothe nĩ tũiguaga tũrĩ na kĩeha. Gũkorũo na kĩeha ti kuuga atĩ ndũrĩ na hinya kĩĩroho. O na Jehova nĩ aiguaga arĩ na ruo ngoro rĩmwe na rĩmwe. (Kĩa 6:5, 6) No hihi-rĩ, ĩ angĩkorũo nĩ tũiguaga tũgũmĩirũo nĩ kĩeha kaingĩ kana hingo ciothe?
Hoya Jehova ũteithio. Jehova nĩ endaga tũmwĩre ũrĩa tũreciria na ũrĩa tũraigua ngoro-inĩ. Nĩ oĩ rĩrĩa tũrĩ na gĩkeno na rĩrĩa twĩ na kĩeha. Nĩ ataũkagĩrũo nĩ kĩrĩa kĩratũma twĩcirie ũrĩa tũreciria na tũigue ũrĩa tũraigua. (Thb 7:9b) Ũndũ wa bata makĩria nĩ atĩ, Jehova nĩ atũrũmbũyagia na no ahote gũtũteithia rĩrĩa tũraigua twĩ na kĩeha kana rĩrĩa tũthuthĩkĩte ngoro.—Thb 34:18.
Gitagĩra meciria maku. Rĩrĩa tũkuĩte ngoro no twage gĩkeno, na tũremwo gũtungatĩra Jehova. Nĩ ũndũ ũcio, nĩ wega kũgitagĩra ngoro citũ, ũguo nĩ kuuga mũndũ witũ wa na thĩinĩ.—Thi 4:23.
WĨRORERE VIDEO YA ŨRĨA AARĨ NA ARIŨ A ITHE WITŨ MARAKENERA THAYŨ THENGIA YA GŨTHUTHĨKA NGORO, ŨCOKE ŨCOKIE CIŨRIA ICI:
Nĩ maũndũ marĩkũ Nikki eekire nĩgetha ahote kũhiũrania na mũrimũ wa depression?
Nĩ kĩĩ gĩatũmire Nikki one atĩ nĩ aabataraga gũthiĩ kuona ndagĩtarĩ?—Mat 9:12
Nĩ na njĩra irĩkũ Nikki eehokire Jehova amũteithie?