Ũrĩa Ũngĩkirĩrĩria Wagi wa Kĩhooto

Thoma Kĩambĩrĩria 37:23-28; 39:17-23 nĩguo wĩrute kuumana na Jusufu ũrĩa wakirĩrĩirie wagi wa kĩhooto.

Thuthuria ũhoro ũrĩa ũthiũrũrũkĩirie. Nĩ kĩĩ gĩatũmire Jusufu ekwo maũndũ matarĩ ma kĩhooto? (Kĩam. 37:3-11; 39:1, 6-10) Jusufu aakirĩrĩirie wagi wa kĩhooto kwa ihinda rĩigana atĩa? (Kĩam. 37:2; 41:46) Jehova aateithirie Jusufu atĩa ihinda-inĩ rĩu, no nĩ atĩa ateekire?—Kĩam. 39:2, 21; w23.01 17 kĩb. 13.

Rikĩra makĩria. O na gũtuĩka maũndũ marĩa mũtumia wa Potifa aaugire megiĩ Jusufu maarĩ ma maheeni, Bibilia ndiugaga atĩ Jusufu nĩ aageririe gwĩtetera. Maandĩko maya marũmĩrĩire mangĩtũteithia atĩa gwĩciria kĩrĩa hihi gĩatũmire Jusufu athuure kwaga gwĩtetera kana kĩrĩa kĩngĩtũma twage kwĩrĩgĩrĩra Bibilia ĩkorũo ĩheanĩte ũhoro wothe? (Thim. 20:2; Joh. 21:25; Atũm. 21:37) Nĩ ngumo irĩkũ ingĩkorũo ciateithirie Jusufu gũkirĩrĩria wagi wa kĩhooto?—Mik. 7:7; Luk. 14:11; Jak. 1:2, 3.

Wĩcũranie maũndũ marĩa weruta. Wĩyũrie ũũ:

• ‘Nĩ maũndũ marĩkũ matarĩ ma kĩhooto ingĩrĩgĩrĩra gũcemania namo nĩ ũndũ wa gũkorũo ndĩ mũrutwo wa Jesu?’ (Luk. 21:12, 16, 17; Ahib. 10:33, 34)

• ‘Ingĩĩhaarĩria atĩa ihinda-inĩ rĩrĩ nĩguo ngahota gũkirĩrĩria wagi wa kĩhooto?’ (Thab. 62:7, 8; 105:17-19; w19.07 2-7)