Kwĩruta na Kĩyo no Gũgũteithie Gũikara Wĩiguĩte

Thoma Danieli 9:1-19 nĩguo wone bata wa kwĩruta na kĩyo.

Thuthuria ũhoro ũrĩa ũthiũrũrũkĩirie. Nĩ maũndũ marĩkũ maakoretwo mekĩka, na maahutirie Danieli atĩa? (Dan. 5:29–6:5) Ũngĩaiguire atĩa korũo nĩwe?

Rikĩra makĩria. Nĩ ‘mabuku marĩkũ matheru’ Danieli angĩkorũo aathuthuririe? (Dan. 9:2, kohoro ka magũrũ-inĩ; w23.08 kar. 4 kĩb. 7) Nĩ kĩĩ gĩatũmire Danieli oimbũre mehia make hamwe na ma rũrĩrĩ rwa Isiraeli? (Alaw. 26:39-42; 1 Ath. 8:46-50; dp-SW 182-184) Mahoya ma Danieli monanagia atĩa atĩ nĩ eerutaga Kiugo kĩa Ngai na kĩyo?—Dan. 9:​11-13.

Wĩcũranie maũndũ marĩa weruta. Wĩyũrie ũũ:

• ‘Ingĩĩthema atĩa kũhĩngĩcwo nĩ maũndũ marĩa marekĩka thĩinĩ wa thĩ?’ (Mik. 7:7)

• ‘Ingĩgunĩka atĩa nĩ ũndũ wa kwĩruta Kiugo kĩa Ngai na kĩyo o ta Danieli?’ (w04-SW 8/1 12 kĩb. 17)

• ‘Nĩ maũndũ marĩkũ ingĩthuthuria wĩruti-inĩ wakwa kĩũmbe nĩguo hote “gũikaraga ndĩhũgĩte”?’ (Mat. 24:​42, 44; w12 8/15 5 kĩb. 7-8)