Gunĩkaga Biũ Kuumana na Mbica

Mabuku maitũ nĩ makoragwo na mbica nyingĩ iria itũrutaga maũndũ ma bata. Hihi ũngĩka atĩa nĩguo ũgunĩkage biũ kuumana na mbica icio?

• Roraga mbica mbere ya gũthoma gĩcunjĩ. O ta ũrĩa mũndũ angĩgucĩrĩrio kũrĩa irio thutha wa gũciona, no taguo mbica ingĩtũma ũhĩahĩe gũthoma gĩcunjĩ. Kwoguo ũtanamba gũthoma gĩcunjĩ kĩna no wĩyũrie, ‘Hihi nĩ kĩĩ ndĩrona mbica-inĩ?’—Amos. 7:​7, 8.

• Ũgĩthoma gĩcunjĩ, wĩcirie kĩrĩa gĩtũmĩte mbica icio ciĩkĩrũo hau. Thoma tũũhoro twa mbica kana ũhoro wa gũtaarĩria mbica angĩkorũo nĩ harĩ. Wĩcirie ũrĩa mbica icio irahutania na ũhoro ũrĩa ũrarĩrĩrio na ũrĩa ũngĩhũthĩra maũndũ marĩa ũreruta na mbica icio.

• Thutha wa gũthoma gĩcunjĩ, hũthĩra mbica kwĩririkania maũndũ manene marĩa marĩrĩirio. Geria kũririkana mbica icio ũhingĩte maitho o hamwe na maũndũ marĩa weruta kuumana nacio.

• Na githĩ to ũrore mbica iria irĩ ngathĩti-inĩ ĩno wone kana nĩ ũraririkana maũndũ marĩa ũrerutire?