Hihi Aira a Jehova nĩ Metĩkagĩra Ndini Iria Ingĩ?

Nĩ tũrũmagĩrĩra ũtaaro ũyũ wa Bibilia “tĩagai andũ a mĩthemba yothe”—gũtekũmakania wĩtĩkio wao wa ndini. (1 Petero 2:17) Kwa ngerekano, mabũrũri-inĩ mamwe gũkoragwo na Aira a Jehova ngiri magana maingĩ mũno. O na kũrĩ ũguo, tũtitindĩkagĩrĩria ateti na arĩa mathondekaga watho magirie wĩra wa ndini iria ingĩ. O na tũtithingʼagĩrĩria atongoria mahĩtũkie mawatho marĩa maringaine na mĩtugo na wĩtĩkio witũ nĩguo mekagwo nĩ andũ othe. Handũ ha ũguo, twendaga kũmetĩkĩra o ta ũrĩa na ithuĩ tũngĩenda nao meke.—Mathayo 7:12.