Hihi Ngai Nĩwe Ũtũmaga Andũ Manyamarĩke?

Macokio ma Bibilia

Bibilia yonanangia atĩ ti Ngai ũtũmaga tũnyamarĩke! Ndwarĩ mũbango wa Ngai atĩ andũ manyamarĩkage. Aciari aitũ a mbere, Adamu na Hawa, nĩ maremeire ũtongoria wa Ngai magĩthuura kwĩyamũragĩra wega na ũũru. Nĩ ũndũ wa kwĩyeherania na Ngai makĩĩreherera mathĩna.

Mathĩna marĩa tũcemanagia namo ũmũthĩ nĩ moimĩrĩro ma matua moru marĩa Adamu na Hawa maatuire. Kwoguo ti Ngai ũtũmaga andũ manyamarĩke.

Bibilia yugaga: “Mũndũ o wothe aagerio, nĩatige kuuga, Ndagerio nĩ Ngai: amu Ngai ndangĩhota kũgerio nĩ maũũru; nake we mwene ndageragia mũndũ o na ũrĩkũ.” (Jakubu 1:13) Gũtirĩ mũndũ ũtacemanagia na mathĩna—o na arĩa matungatagĩra Ngai.