Hihi Aira a Jehova nĩ metĩkĩtie atĩ thĩ yombirũo na thikũ ithathatũ cia mathaa 24?

Aca. Aira a Jehova nĩ metĩkĩtie atĩ Ngai nĩwe wombire indo ciothe. No tũtiĩtĩkĩtie atĩ thĩ yombirũo na thikũ ithathatũ cia mathaa 24. Nĩkĩ hihi? Tondũ ũndũ ũcio ndũtwaranaga na ũrĩa Bibilia yugaga. Ta wĩcirie maũndũ maya merĩ:

1. Ũraihu wa thikũ ithathatũ cia ũũmbi. Andũ amwe maugaga atĩ thikũ ithathatũ cia ũũmbi ciarĩ thikũ cia mathaa 24. No thĩinĩ wa Bibilia, kiugo “mũthenya” no gĩkorũo gĩkĩonania ihinda iraiharaihu.—Kĩambĩrĩria 2:4; Thaburi 90:4.

2. Ihinda rĩrĩa thĩ ĩkoretwo kuo. Andũ amwe maugaga atĩ thĩ ĩkoretwo kuo ihinda rĩa mĩaka ngiri cigana ũna. No kũringana na Bibilia, igũrũ na thĩ ciarĩ kuo mbere ya thikũ icio ithathatũ cia ũũmbi. (Kĩambĩrĩria 1:1) Nĩ ũndũ ũcio, Aira a Jehova matireganaga na ũthuthuria wa kwĩhokeka wa sayansi ũrĩa wonanagia atĩ no kũhoteke thĩ ĩkoretwo kuo mĩaka bilioni cigana ũna.

O na gũtuĩka ithuĩ Aira a Jehova nĩ twĩtĩkĩtie ũũmbi, tũtireganaga na sayansi. Twĩtĩkĩtie atĩ maũndũ ma sayansi marĩa monekete atĩ nĩ ma ma nĩ matwaranaga na Bibilia.