Hihi nĩ Ũũru Gũũtha Ciũthi cia Mbeca?

Macokio ma Bibilia

O na gũtuĩka Bibilia ndĩaragĩrĩria ũhoro wa gũũtha ciũthi cia mbeca na njĩra ndikĩru, no twĩrute kuumana na motaaro ma Bibilia, atĩ Ngai onaga gũũtha ciũthi ta icio arĩ mehia.—Aefeso 5:17.a

• Gũũtha ciũthi cia mbeca gũtongoragio nĩ mũndũ gũkorũo arĩ mũkoroku, ũndũ ũrĩa Ngai athũire. (1 Akorintho 6:9, 10; Aefeso 5:3, 5) Arĩa mothaga ciũthi cia mbeca meerĩgagĩrĩra kũgĩa mbeca iria arĩa angĩ morwo nĩcio. No Bibilia nĩ ĩkaananĩtie gũcumĩkĩra indo cia andũ arĩa angĩ.—Thama 20:17; Aroma 7:7; 13:9, 10.

• Gũũtha ciũthi cia mbeca nĩ ũndũ wa nginya mbeca nini, no kwarahũre merirĩria ma kwenda mbeca nyingĩ, ũndũ ũrĩa ũngĩrehe mwanangĩko.—1 Timotheo 6:9, 10.

• Arĩa mothaga ciũthi cia mbeca mehokaga maũndũ ma ũgo kana mũnyaka. O na kũrĩ ũguo, Ngai onaga mawĩtĩkio macio marĩ ta kũhoya mĩhianano, ũndũ ũrĩa ũtangĩtwarana na ũthathaiya wake.—Isaia 65:11.

• Bibilia ĩtwĩkagĩra ngoro tũrute wĩra na kĩyo, handũ ha kũgĩa na merirĩria ma kwenda kũgĩa na kĩndũ tũtarutĩire wĩra. (Kohelethu 2:24; Aefeso 4:28) Arĩa marũmagĩrĩra ũtaaro wa Bibilia ‘marĩaga irio iria o ene marutĩire wĩra.’—2 Athesalonike 3:10, 12.

• ciũthi cia mbeca no kwarahũre roho wa macindano, ũndũ ũrĩa Bibilia ĩkaananĩtie.—Agalatia 5:26.