Kohoro ka Magũrũ-inĩ

a Ta rora wone ũrĩa Jesu aagwetire ngerekano iria ikoragwo irĩ gĩcunjĩ gĩa kĩmenyithia gĩa gũkorũo kuo gwake. Aambire akĩaria ũhoro wa gakundi kanini ka ariũ a Ithe witũ aitĩrĩrie maguta arĩa mangĩgaatongoragia, na nĩo “ngombo ĩrĩa njĩhokeku na njũgĩ.” (Mat. 24:45-47) Agĩcoka akĩheana ngerekano ciahutagia arĩa othe makoragwo na kĩĩrĩgĩrĩro gĩa gũthiĩ igũrũ. (Mat. 25:1-30) Aarĩkĩrĩirie na kwaria ũhoro wa arĩa makoragwo na kĩĩrĩgĩrĩro gĩa gũgatũũra thĩ, arĩa mangĩgaateithĩrĩria ariũ a Ithe na Kristo. (Mat. 25:31-46) O ũndũ ũmwe na ũcio, mahinda-inĩ maya, kũhinga kwa ũrathi wa Ezekieli kuonanagia ũrĩa kũngĩkamba kũhaanĩka harĩ arĩa makoragwo na kĩĩrĩgĩrĩro gĩa gũthiĩ igũrũ. O na gũtuĩka ti hingo ciothe mĩhĩrĩga ĩrĩa ikũmi ya Isiraeli ĩrũgamagĩrĩra arĩa makoragwo na kĩĩrĩgĩrĩro gĩa gũgatũũra thĩ, ũrũmwe ũrĩa ũtaarĩirio ũrathi-inĩ ũcio ũtũririkanagia ũrũmwe ũrĩa ũkoragwo gatagatĩ ka arĩa makoragwo na kĩĩrĩgĩrĩro gĩa gũgatũũra thĩ na arĩa magathiĩ igũrũ.