Kohoro ka Magũrũ-inĩ

a Hihi nĩ ũrĩ waigua mũndũ ũtungatĩire Jehova kwa ihinda iraihu akiuga ũũ, ‘Niĩ ndieciragia atĩ nĩ ngaakinyia mĩaka ta ĩrĩa ndĩ nayo mũtabarĩre ũyũ ũtathirĩte.’ Ithuothe nĩ twĩriragĩria kuona Jehova akĩrehe mũico wa thĩ ĩno njũru, makĩria mahinda-inĩ maya maritũ ma mũthia. Ĩndĩ nĩ twagĩrĩirũo gũkũria wetereri. Thĩinĩ wa gĩcunjĩ gĩkĩ, nĩ tũkwarĩrĩria motaaro ma Bibilia mangĩtũteithia gũkorũo na wetereri. Ningĩ nĩ tũkwarĩrĩria maũndũ merĩ, marĩa mangĩtũma tũbatare kuonania wetereri harĩ Jehova. Mũthia-inĩ, nĩ tũkuona irathimo iria ikaaheo andũ arĩa megũthiĩ na mbere gũkorũo na wetereri.