Kohoro ka Magũrũ-inĩ

a Thĩinĩ wa Bibilia, ciugo iria itaũrĩtwo “ũkũũri” ciugĩte irĩhi, kana kĩndũ kĩa goro, kĩrĩa kĩrĩhagwo. Kwa ngerekano, kiugo gĩa Kĩhibirania ka·pharʹ kiugĩte “kũhumbĩra.” (Kĩambĩrĩria 6:14) Gĩkoragwo gĩkĩarĩrĩria kũhumbĩra mehia. (Thaburi 65:3) Kiugo kĩrĩa kĩringaine na kĩu nĩ koʹpher na kĩonanagia irĩhi rĩrĩa rĩrĩhagwo nĩguo kĩndũ kĩhumbĩrũo kana gĩkũũrũo. (Thama 21:30) Ũndũ ũmwe na ũcio, kiugo gĩa Kĩngiriki lyʹtron, kĩrĩa kaingĩ gĩtaũragwo ‘ũkũũri’ no gĩtaũrũo irĩhi rĩa “kũhonokia.” (Mathayo 20:28) Andĩki a Kĩngiriki maahũthagĩra kiugo kĩu kuonania marĩhi ma gũkũũra ngombo kana mũndũ ũnyitĩtwo mĩgwate mbaara-inĩ