Thaburi

Rwĩmbo rwa Arĩa Marambata.

125 Andũ arĩa mehokaga Jehova+

Matariĩ ta Kĩrĩma gĩa Zayuni, kĩrĩa gĩtangĩenyenyeka

No gĩtũũraga tene na tene.+

2 O ta ũrĩa irĩma ithiũrũrũkĩirie Jerusalemu,+

No taguo Jehova athiũrũrũkĩirie andũ ake+

Kuuma rĩu nginya tene na tene.

3 Mũthĩgi wa waganu ndũgũtũũra igũrũ rĩa bũrũri ũrĩa ũgaĩirũo andũ arĩa athingu,+

Nĩgetha acio athingu matikanagarũrũke mambĩrĩrie gwĩka* ũndũ ũrĩa mũũru.+

4 Atĩrĩrĩ Jehova, ĩka maũndũ mega harĩ andũ arĩa ega,+

Harĩ arĩa arũngĩrĩru ngoro.+

5 No andũ arĩa magarũrũkaga makambĩrĩria kũrũmĩrĩra njĩra ciao njogomu,

Jehova nĩ akaameheria hamwe na andũ arĩa mekaga maũndũ moru.+

Isiraeli kũrogĩa na thayũ.