3. Andũ makoragwo na ngũrani ĩrĩkũ na nyamũ?

Jehova omba thĩ, aacokire akĩũmba indo iria irĩ muoyo thĩinĩ wayo. Aambire akĩũmba mĩmera na nyamũ. Thutha ũcio, “Ngai [akĩũmba] mũndũ na mũhianĩre wake.” (Thoma Kĩambĩrĩria 1:27.) Nĩ ũndũ ũrĩkũ ũtũmaga andũ makorũo marĩ a mwanya? Tondũ tũũmbĩtwo na mũhianĩre wa Ngai, no tũhote kuonania ngumo ciake, ta wendo na kĩhooto. Ningĩ aatũmbire tũrĩ na ũhoti wa kwĩruta thiomi itiganĩte, gũkenera indo thaka, o na nyĩmbo. Na ngũrani na nyamũ o yothe, no tũhote gũthathaiya Mũũmbi witũ.

6. Ngai oombire andũ na njĩra ya mwanya

Jehova nĩwe wombire andũ o hamwe na nyamũ. O na kũrĩ ũguo, kũrĩ maũndũ matũmaga andũ makorũo marĩ ngũrani na nyamũ. Thomai Kĩambĩrĩria 1:26, mũcoke mwarĩrĩrie kĩũria gĩkĩ:

• Tondũ tũũmbĩtwo na mũhianĩre wa Ngai-rĩ, ũhoti witũ wa kuonania wendo na ũcayanĩri wonanagia atĩa igũrũ rĩgiĩ ũrĩa Ngai atariĩ?