• Ũrĩa Tũngĩhota Gũtuaga Matua Mega
    Kenera Ũtũũro Tene na Tene!—Wĩrute Bibilia

    • 5. Tĩaga thamiri cia andũ arĩa angĩ

      Andũ matituaga matua mahaanaine. Tũngĩonania atĩa atĩ nĩ tũtĩĩte thamiri cia andũ arĩa angĩ? Reke tuone maũndũ merĩ mangĩkĩka:

      Ũndũ wa 1: Mwarĩ wa Ithe witũ wendete kwĩgemia agathamĩra kĩũngano kĩrĩ na aarĩ a Ithe witũ aingĩ matoonaga kwĩgemia ũrĩ ũndũ mwega.

      Thomai Aroma 15:1 na 1 Akorintho 10:23, 24, mũcoke mwarĩrĩrie ciũria ici:

      • Kũringana na mĩhari ĩyo-rĩ, nĩ itua rĩrĩkũ mwarĩ wa Ithe witũ ũcio angĩtua? Ũngĩka atĩa rĩrĩa mũrĩ na mũndũ thamiri yake ĩtamwĩtĩkagĩria gwĩka ũndũ mũna, no thamiri yaku nĩ ĩgwĩtĩkagĩria kũwĩka?

      Ũndũ wa 2: Mũrũ wa Ithe witũ ũmwe nĩ oĩ atĩ Bibilia ndĩgirĩtie kũhũthĩra njohi na gĩthimi, no nĩ athuurĩte gwĩthema kũnyuaga njohi. Akanyitwo ũgeni handũ na akona ariũ a Ithe witũ makĩnyua njohi.

      Thomai Kohelethu 7:16 na Aroma 14:1, 10, mũcoke mwarĩrĩrie ciũria ici:

      • Kũringana na mĩhari ĩyo-rĩ, nĩ itua rĩrĩkũ mũrũ wa Ithe witũ ũcio angĩtua? Ũngĩka atĩa ũngĩona mũndũ ũngĩ agĩka ũndũ mũna thamiri yaku ĩtagwĩtĩkagĩria gwĩka?

      Nĩ makinya marĩkũ mateithagia mũndũ gũtua matua mega?

      Mũtumia akĩhoya.

      1. Hoya Jehova agũteithie gũtua itua.—Jakubu 1:5.

      Mũtumia o ũcio agĩka ũthuthuria akĩhũthĩra Bibilia, mabuku mehocetie harĩ Bibilia, na kompiuta.

      2. Ĩka ũthuthuria Bibilia-inĩ na mabuku-inĩ marĩa mehocetie harĩ Bibilia nĩguo wone motaaro marĩa ũngĩhũthĩra. Ningĩ no warie na Akristiano arĩa marĩ na ũmenyeru.

      Mũtumia o ũcio agĩciria.

      3. Wĩcirie ũrĩa itua rĩu rĩkũhutia thamiri yaku na thamiri cia andũ arĩa angĩ.