Aciari, Hei Ciana Cianyu Mweke Ũrĩa Mwega Biũ Nĩguo Igaacĩre

Aciari mendete Ngai nĩ meriragĩria mũno kuona ciana ciao igĩtuĩka ndungata njĩhokeku cia Jehova. No maciteithie na njĩra ya gũciruta kwenda morutani ma Bibilia kuuma ngoro-inĩ irĩ o nini. (Gũc 6:7; Thi 22:6) No hihi ũndũ ũcio nĩ ũbataraga mũciari eime? Ĩĩ nĩ ũbataraga! Moimĩrĩro makoragwo marĩ mega mũno.—3Joh 4.

Aciari no merute maũndũ maingĩ kuumana na Jusufu na Mariamu. Nĩ “maamenyerete gũthiaga Jerusalemu o mwaka nĩ ũndũ wa gĩathĩ kĩa Pasaka,” o na gũtuĩka ũndũ ũcio nĩ wabataraga kĩyo kĩingĩ o na mbeca. (Lu 2:41) No maũndũ ma kĩĩroho nĩmo maigĩte mbere ũtũũro-inĩ wao. O ũndũ ũmwe na ũcio, ũmũthĩ aciari no matongorie ciana ciao na njĩra ĩrĩa yerekeire mangĩkĩra kĩyo gũciruta Kiugo kĩa Ngai na makorũo marĩ kĩonereria kĩega.—Thab 127:3-5.

WĨRORERE VIDEO YA MAAHŨTHĨRIRE MWEKE O WOTHE MAARĨ NAGUO, ŨCOKE ŨCOKIE CIŨRIA ICI:

• Nĩ na njĩra ĩrĩkũ Jon na Sharon Schiller maaigire maũndũ ma Ũthamaki mbere o na makĩreraga ciana ciao?

• Aciari magĩrĩire kũruta, gũtongoria, na kũrũnga ciana ciao kũringana na mabataro macio nĩkĩ?

• Nĩ na njĩra ĩrĩkũ aciari mangĩhota kũhaarĩria ciana ciao nĩguo ihote gwĩtiria magerio ma wĩtĩkio?

• Nĩ indo irĩkũ iheanĩtwo nĩ ithondeka rĩa Jehova ũhũthĩrĩte gũteithia ciana ciaku ikũre kĩĩroho?