-
Ũrĩa Tũngĩhota Gũtuaga Matua MegaKenera Ũtũũro Tene na Tene!—Wĩrute Bibilia
-
-
5. Tĩaga thamiri cia andũ arĩa angĩ
Andũ matituaga matua mahaanaine. Tũngĩonania atĩa atĩ nĩ tũtĩĩte thamiri cia andũ arĩa angĩ? Reke tuone maũndũ merĩ mangĩkĩka:
Ũndũ wa 1: Mwarĩ wa Ithe witũ wendete kwĩgemia agathamĩra kĩũngano kĩrĩ na aarĩ a Ithe witũ aingĩ matoonaga kwĩgemia ũrĩ ũndũ mwega.
Thomai Aroma 15:1 na 1 Akorintho 10:23, 24, mũcoke mwarĩrĩrie ciũria ici:
Kũringana na mĩhari ĩyo-rĩ, nĩ itua rĩrĩkũ mwarĩ wa Ithe witũ ũcio angĩtua? Ũngĩka atĩa rĩrĩa mũrĩ na mũndũ thamiri yake ĩtamwĩtĩkagĩria gwĩka ũndũ mũna, no thamiri yaku nĩ ĩgwĩtĩkagĩria kũwĩka?
Ũndũ wa 2: Mũrũ wa Ithe witũ ũmwe nĩ oĩ atĩ Bibilia ndĩgirĩtie kũhũthĩra njohi na gĩthimi, no nĩ athuurĩte gwĩthema kũnyuaga njohi. Akanyitwo ũgeni handũ na akona ariũ a Ithe witũ makĩnyua njohi.
Thomai Kohelethu 7:16 na Aroma 14:1, 10, mũcoke mwarĩrĩrie ciũria ici:
Kũringana na mĩhari ĩyo-rĩ, nĩ itua rĩrĩkũ mũrũ wa Ithe witũ ũcio angĩtua? Ũngĩka atĩa ũngĩona mũndũ ũngĩ agĩka ũndũ mũna thamiri yaku ĩtagwĩtĩkagĩria gwĩka?
Nĩ makinya marĩkũ mateithagia mũndũ gũtua matua mega?
1. Hoya Jehova agũteithie gũtua itua.—Jakubu 1:5.
2. Ĩka ũthuthuria Bibilia-inĩ na mabuku-inĩ marĩa mehocetie harĩ Bibilia nĩguo wone motaaro marĩa ũngĩhũthĩra. Ningĩ no warie na Akristiano arĩa marĩ na ũmenyeru.
3. Wĩcirie ũrĩa itua rĩu rĩkũhutia thamiri yaku na thamiri cia andũ arĩa angĩ.
-
-
Nĩ Kĩĩ Kĩngĩteithia Famĩlĩ Yaku Gũkorũo na Gĩkeno?—Gĩcunjĩ kĩa 1Kenera Ũtũũro Tene na Tene!—Wĩrute Bibilia
-
-
6. No mũtoorie mathĩna thĩinĩ wa kĩhiko kĩanyu
Gũtirĩ kĩhiko gĩkinyanĩru. Kwoguo, mũthuri na mũtumia magĩrĩirũo kwĩrutanĩria marĩ hamwe gũtooria moritũ marĩa mangiumĩra. Mwĩrorerei VIDEO ĩno, mũcoke mwarĩrĩrie ciũria iria irũmĩrĩire.
Kũringana na video ĩyo-rĩ, nĩ maũndũ ta marĩkũ maronania atĩ mũthuri ũcio na mũtumia wake maathiaga o makĩraihanagĩrĩria?
Mooire makinya marĩkũ nĩguo mekĩre kĩhiko kĩao hinya?
Thomai 1 Akorintho 10:24 na Akolosai 3:13. Arĩrĩriai kĩũria gĩkĩ thutha wa gũthoma o rĩandĩko:
Kũhũthĩra ũtaaro ũcio kũngĩkĩra kĩhiko hinya atĩa?
Bibilia yugĩte atĩ nĩ twagĩrĩirũo kũheanaga gĩtĩo. Kũheana gĩtĩo nĩ kũhutĩtie kũrũmbũiya mũndũ na njĩra ya ũtugi na ya wendo. Thomai Aroma 12:10, mũcoke mwarĩrĩrie ciũria ici:
Hihi mũthuri kana mũtumia nĩ agĩrĩirũo gweterera ũrĩa mahikanĩtie nake amuonie gĩtĩo mbere? Ũngiuga ũguo nĩkĩ?
-
-
Twagĩrĩirũo Kũrora Mwĩhumbĩre na Mwĩgemerie Witũ Nĩkĩ?Kenera Ũtũũro Tene na Tene!—Wĩrute Bibilia
-
-
Ithuothe nĩ tũkoragwo na wĩyathi wa gũthuura ũrĩa tũkwĩhumba na ũrĩa tũkwĩgemia. Tũngĩrũmĩrĩra motaaro ma Bibilia, no tũhote kwĩhumba na njĩra tũrakenera na ĩrakenia Jehova. Reke tũthuthurie motaaro mamwe harĩ macio.
1. Nĩ motaaro marĩkũ magĩrĩirũo gũtũtongoria tũgĩthuura ũrĩa tũkwĩhumba na kwĩgemia?
Twagĩrĩirũo gũthuuraga ‘nguo njega, tũtegũkĩria njano, na tũrĩ na meciria mega’ na tũgaikaraga tũrĩ atheru nĩguo andũ arĩa angĩ mone atĩ nĩ “[twĩyamũrĩire] Ngai.” (1 Timotheo 2:9, 10) Wĩcũranie ũhoro wa motaaro maya mana: (1) Twagĩrĩirũo kwĩhumba nguo “njega.” O ta ũrĩa wonete mĩcemanio-inĩ ya kĩũngano, andũ a Jehova mehumbaga na njĩra itiganĩte, no mwĩhumbĩre wao na ũrĩa mathondekaga njuĩrĩ nĩ wonanagia atĩ nĩ matĩĩte Ngai. (2) Rĩrĩa twehumba na njĩra ‘ĩtegũkĩria njano’ nĩ twĩthemaga kwĩhumba nguo iratũma arĩa angĩ makorũo na meciria moru, kana ĩratũma andũ magucĩrĩrio nĩ ithuĩ na njĩra ĩtarĩ njega. (3) Nĩ tuonanagia atĩ tũrĩ na “meciria mega” tũngĩĩthema gũtengʼerania na mwĩhumbĩre kana mwĩgemerie o wothe ũrĩa woimĩra. (4) Hingo ciothe mwĩhumbĩre witũ wagĩrĩirũo kuonania atĩ nĩ ‘twĩyamũrĩire Ngai’ na atĩ tũthathayagia Ngai ũrĩa wa ma.—1 Akorintho 10:31.
2. Mwĩhumbĩre witũ ũngĩhutia atĩa aarĩ na ariũ a Ithe witũ?
O na gũtuĩka tũrĩ na wĩyathi wa gũthuura nguo ĩrĩa tũgwĩkĩra, nĩ twagĩrĩirũo gwĩciria ũrĩa mwĩhumbĩre witũ ũngĩhutia arĩa angĩ. Twĩrutanagĩria kwaga kũrakaria mũndũ o na ũmwe, handũ ha ũguo, twendaga ‘gũkenia arĩa angĩ na tũkameka maũndũ mega, nĩguo tũmaake.’—Thoma Aroma 15:1, 2.
3. Mwĩhumbĩre witũ ũngĩgucĩrĩria andũ atĩa harĩ ũthathaiya wa ma?
O na gũtuĩka nĩ twĩrutanagĩria kwĩhumba wega mahinda-inĩ mothe, nĩ twĩkaga ũguo o na makĩria rĩrĩa tũrathiĩ mĩcemanio-inĩ ya kĩũngano kana rĩrĩa tũrathiĩ kũhunjia. Tũtiendaga kweheria meciria ma andũ kuuma harĩ ndũmĩrĩri ĩrĩa tũramahe. Handũ ha ũguo, twendaga mwĩhumbĩre witũ ũtũme arĩa angĩ magucĩrĩrio nĩ ũhoro ũrĩa wa ma na ũgoocithie “ũrutani wa Ngai, o we Mũhonokia witũ.”—Tito 2:10.
THUTHURIA MAKĨRIA
Reke tũthuthurie tuone ũrĩa tũngĩtigĩrĩra atĩ mwĩhumbĩre na mwĩgemerie witũ nĩ ũronania atĩ tũrĩ Akristiano.
Mwĩhumbĩre witũ no wonanie kana nĩ tũtĩĩte andũ arĩa makoragwo na ũnene. O na gũtuĩka Jehova nĩ onaga kĩrĩa kĩrĩ ngoro-inĩ citũ, mwĩhumbĩre witũ o naguo nĩ wagĩrĩirũo kuonania atĩ nĩ tũmũtĩĩte
4. Mwĩhumbĩre mwega nĩ ũtĩithagia Jehova
Gĩtũmi kĩrĩa kĩnene gĩa gũtigĩrĩra atĩ nĩ tũrehumba wega nĩ kĩrĩkũ? Thomai Kũguũrĩrio 4:11, mũcoke mwarĩrĩrie ciũria ici:
Kũmenya atĩ nĩ twĩtanĩtio na rĩĩtwa rĩa Jehova kwagĩrĩirũo kũhutia atĩa matua maitũ megiĩ kwĩhumba?
Hihi nĩ ũkuona ta arĩ ũndũ wa bata gwĩciria ũrĩa tũkwĩhumba rĩrĩa tũrathiĩ mĩcemanio-inĩ kana rĩrĩa tũrathiĩ kũhunjia? Ũngiuga ũguo nĩkĩ?
5. Ũrĩa tũngĩtua matua mega megiĩ kwĩhumba na kwĩgemia
Gũtekũmakania kana nguo citũ nĩ cia goro kana ti cia goro, ciagĩrĩirũo gũkorũo irĩ theru na ciaganĩrĩirũo na ũrĩa tũreka. Thomai 1 Akorintho 10:24 na 1 Timotheo 2:9, 10, mũcoke mwarĩrĩrie kĩrĩa kĩngĩtũma twĩtheme kwĩhumba nguo . . .
itarĩ theru na itarĩ na kĩharĩro kĩega.
itũnyitĩte, ironania mwĩrĩ, kana ingĩarahũra merirĩria ma ngomanio.
O na gũtuĩka Akristiano matirĩ rungu rwa Watho wa Musa, Watho ũcio nĩ wonanagia mwĩcirĩrie wa Jehova. Thomai Gũcokerithia Maathani 22:5, mũcoke mwarĩrĩrie kĩũria gĩkĩ:
Nĩkĩ Mũkristiano nĩ agĩrĩirũo gwĩthema kwĩhumba kana kwĩgemia na njĩra ĩngĩtũma mũndũrũme ahaane mũtumia kana mũtumia ahaane mũndũrũme?
Thomai 1 Akorintho 10:32, 33 na 1 Johana 2:15, 16, mũcoke mwarĩrĩrie ciũria ici:
Nĩkĩ nĩ twagĩrĩirũo gwĩciria kana mwĩhumbĩre witũ nĩ ũrakaragia andũ kũrĩa tũikaraga kana kĩũngano-inĩ?
Kũrĩa ũikaraga andũ aingĩ mehumbaga na makegemia na njĩra ta irĩkũ?
Nĩ ũkuona ta njĩra imwe andũ mehumbaga na makegemia nacio ingĩkorũo itagĩrĩire harĩ Mũkristiano? Ũngiuga ũguo nĩkĩ?
No twĩhumbe na twĩgemie na njĩra itiganĩte na tũkorũo nĩ tũrakenia Jehova
ANDŨ AMWE MOIGAGA: “Ndĩ na kĩhooto gĩa gwĩkĩra kĩrĩa ngwenda.”
Nĩ ũretĩkania na ũndũ ũcio? Nĩkĩ?
ŨRĨA TWERUTA
Rĩrĩa twatua matua mega megiĩ kwĩhumba na kwĩgemia, nĩ tuonanagia gĩtĩo harĩ Jehova na harĩ andũ arĩa angĩ.
Ciũria cia gũcokera
Nĩkĩ mwĩhumbĩre na mwĩgemerie witũ nĩ wa bata harĩ Jehova?
Nĩ motaaro ta marĩkũ magĩrĩirũo gũtũtongoria tũgĩtua matua megiĩ ũrĩa tũkwĩhumba na kwĩgemia?
Mwĩhumbĩre witũ ũngĩhutia atĩa mawoni ma andũ megiĩ ũthathaiya wa ma?
RIKĨRA
Hihi nguo ciaku iheanaga ũhoro ũrĩkũ ũkwĩgiĩ?
“Hihi Nguo Ĩno nĩ Ĩnjagĩrĩire?” (Gĩcunjĩ thĩinĩ wa jw.org/ki)
Thoma wone nĩkĩ nĩ ũndũ wa ũũgĩ gwĩcũrania ũtanekĩrũo marũũri mwĩrĩ-inĩ.
“Bibilia Yugaga Atĩa Ũhoro Wĩgiĩ Gwĩkĩrũo Marũũri Mwĩrĩ-inĩ?” (Gĩcunjĩ thĩinĩ wa jw.org/ki)
Thuthuria motaaro mangĩ mangĩtũtongoria tũgĩtua matua.
“Mwĩhumbĩre Waku nĩ Ũgoocithagia Ngai?” (Mũrangĩri, Septemba 2016)
Mũtumia ũmwe wendaga gũkenia Ngai aagĩire atĩa na mawoni maigananĩru megiĩ mwĩhumbĩre na mwĩgemerie wa andũ arĩa angĩ?
“Kwĩhumba na Kwĩgemia Kwarĩ Mũhĩnga Harĩ Niĩ” (g03 12/22)
-