GĨCUNJĨ GĨA 8

Gĩkuũ kĩa Jesu Gĩkũgunaga Atĩa?

Jesu aakuire nĩgetha tũgaatũũra muoyo. Johana 3:16

Atumia makĩĩrorera mbĩrĩra ya Jesu makona ndarĩ ho

Thikũ ithatũ thutha wa Jesu gũkua, atumia amwe nĩ maathiire mbĩrĩra-inĩ yake na magĩkora ndarĩ ho. Jehova nĩ aariũkĩtie Jesu kuuma kũrĩ akuũ.

Jesu akoimĩrĩra atũmwo ake, thutha ũcio akambata igũrũ

Thutha ũcio Jesu akiumĩrĩra atũmwo ake.

Ĩĩ, Jehova nĩ aariũkĩtie Jesu arĩ kĩũmbe kĩa roho kĩrĩ hinya, na gĩtangĩkua. Arutwo a Jesu nĩ maamuonire akĩambata igũrũ.

Ngai nĩ aariũkirie Jesu na akĩmũtua Mũthamaki wa Ũthamaki wa Ngai. Danieli 7:13, 14

Jesu arĩ gĩtĩ-inĩ gĩake kĩa ũnene Ũthamaki-inĩ agĩthamakĩra andũ marĩ paradiso gũkũ thĩ

Jesu aarutire muoyo wake nĩguo arĩhĩre andũ ũkũũri. (Mathayo 20:28) Kũgerera ũkũũri ũcio, Ngai nĩ atũmaga kũhoteke tũgaatũũra tene na tene.

Jehova aatuire Jesu Mũthamaki wa gũgaathamaka thĩ. Agaathamaka hamwe na andũ 144,000 ehokeku arĩa mariũkagio kuuma thĩ magathiĩ gũtũũra igũrũ. Jesu na acio 144,000 mathondekaga thirikari ya igũrũ ĩrĩ na ũthingu—Ũthamaki wa Ngai.—Kũguũrĩrio 14:1-3.

Ũthamaki wa Ngai ũgaatũma thĩ ĩtuĩke paradiso. Mbaara, wĩki-naĩ, ũthĩni, na ngʼaragu itigaacoka gũkorũo kuo rĩngĩ. Andũ magaakorũo na gĩkeno kĩa ma.—Thaburi 145:16.