Paulo Gũcokia Ciira Riiko Kũrĩ Kaisari na Kũhunjĩria Mũthamaki Herode Agiripa

25:11; 26:1-3, 28

O na gũtuĩka tũtiagĩrĩirũo gũtangĩka ũhoro-inĩ wĩgiĩ ũrĩa tũkuuga rĩrĩa ‘twatwarũo mbere ya mangavana na athamaki,’ nĩ twagĩrĩire gũkorũo ‘twĩhaarĩirie gwĩtetera’ mbere ya mũndũ o wothe ũngĩtũũria gĩtũmi gĩa kĩĩrĩgĩrĩro gitũ. (Mat 10:18-20; 1Pe 3:15) Tũngĩĩgerekania atĩa na kĩonereria kĩa Paulo andũ arĩa matũkararagia mangĩthugunda gũtwĩka ‘ũũru makĩhũthĩra watho?’​—Thb 94:20.

• Na njĩra ya kũhũthĩra ihooto iria tũrĩ nacio cia kĩĩwatho gũtetera ũhoro ũrĩa mwega.​—Atũ 25:11

• Na njĩra ya kwarĩria anene a thirikari na njĩra ya gĩtĩo.​—Atũ 26:2, 3

• Na rĩrĩa twagĩa na mweke tũgataarĩria ũrĩa ũhoro ũrĩa mwega ũtũteithĩtie na ũgateithia andũ angĩ.​—Atũ 26:11-20