RWĨMBO NA. 73
Tũhe Ũmĩrĩru
Rĩrĩa Icabe
1. Tũkĩhunjia rĩĩtwa rĩaku,
na Ũthamaki waku,
nĩ tũkararagio mũno
na tũgaconorithio.
No tũtiĩtigagĩra,
wee nĩwe twathĩkagĩra.
Nĩ twakũhoya roho waku
Jehova, tũthikĩrĩrie.
(KORASI)
Twakũhoya ũmĩrĩru,
tũtoorie guoya witũ.
O na ũtũhe ũcamba
tũhunjie kũndũ guothe.
Harmagedoni nĩ ‘roka,
no ĩtanamba gũkinya,
twakũhoya ũmĩrĩru.
Twagũthaitha.
2. O na rĩrĩa twaigua guoya,
ndũtũtiganagĩria.
Ũkoragwo hamwe naithuĩ
na ũgatũmĩrĩria.
Rora wone thũ ciaku
ũrĩa itũnyũrũragia.
Tũteithagie tũthiĩ na mbere
tũkĩhunjia rĩĩtwa rĩaku.
(KORASI)
Twakũhoya ũmĩrĩru,
tũtoorie guoya witũ.
O na ũtũhe ũcamba
tũhunjie kũndũ guothe.
Harmagedoni nĩ ‘roka,
no ĩtanamba gũkinya,
twakũhoya ũmĩrĩru.
Twagũthaitha.
(Ningĩ rora 1 Thes. 2:2; Ahib. 10:35.)