Mabuku Marĩa Magwetetwo Thĩinĩ wa Kabuku ka Mũcemanio wa Ũtũũro na Ũtungata
JANŨARĨ 3-9
MŨTHITHŨ KUUMA KIUGO-INĨ KĨA NGAI | ATIIRĨRĨRI BŨRŨRI 15-16
“Ũkunyanĩri nĩ Ũndũ Ũrĩ Thoni Mũno!”
w05 1/15 27 kĩb. 3
Matemo Kuuma Ibuku-inĩ rĩa Atiirĩrĩri Bũrũri
14:16, 17; 16:16. Gũtindĩkĩrĩria mũndũ gwĩka ũndũ na njĩra ya kũrĩra kana kũmũtindĩrĩra no gũthũkie ũrata.—Thimo 19:13; 21:19.
Kũmaatha Maũndũ ma Bata Maandĩko-inĩ
w05 3/15 27 kĩb. 6
Samusoni Aatooririe nĩ Ũndũ wa Hinya wa Jehova!
Samusoni aarĩ na muoroto ũmwe tu meciria-inĩ make, wa kũrũa na Afilisti. Ũndũ ũrĩa watũmire Samusoni athiĩ nyũmba-inĩ ya mũmaraya ũmwe kũu Gaza warĩ nĩguo ahote kũrũa na thũ cia Ngai. Samusoni nĩ aabataraga kũndũ angĩararire ũtukũ ũcio thĩinĩ wa itũũra rĩu rĩa thũ cia Ngai, na no kwa mũmaraya ũcio tu angĩararire. Samusoni ndararire kũu arĩ na muoroto wa gwĩka maũndũ ma waganu. Samusoni aaumire kwa mũtumia ũcio ũtukũ gatagatĩ, agĩcoka akĩmunya mĩrango ya kĩhingo gĩa itũũra na itugĩ cierĩ. Agĩcoka agĩcikuua rũgendo rwa kilomita 60 o nginya gacũmbĩrĩ-inĩ ga kĩrĩma kĩrĩa kĩngʼetheire Hebironi. Ũndũ ũcio wahotekire nĩ ũndũ hinya wa Ngai na gwĩtĩkĩrĩka nĩwe.—Atiirĩrĩri Bũrũri 16:1-3.
JANŨARĨ 10-16
MŨTHITHŨ KUUMA KIUGO-INĨ KĨA NGAI | ATIIRĨRĨRI BŨRŨRI 17-19
“Kwaga Gwathĩkĩra Watho wa Ngai Kũrehaga Mathĩna”
it-2 390-391
Mika
1. Aarĩ mũndũrũme kuuma rũrĩrĩ rwa Efiraimu. Mika nĩ aaunire rĩathani rĩa kanana rĩrĩa rĩrĩ Maathani-inĩ Marĩa Ikũmi (Tham 20:15), na njĩra ya kũiya icunjĩ 1,100 cia betha kuuma kũrĩ nyina. Rĩrĩa eetĩkĩrire mahĩtia make na agĩcicokia, nyina aaugire: “Betha ĩno ngũmĩamũrĩra Jehova kuuma guoko-inĩ gwakwa nĩguo mũrũ wakwa amĩhũthĩre gũthondeka mũhianano wa gwacũhio na mũhianano wa cuma. Kwoguo nĩ ndagũcokeria.” Nyina aacokire akĩoya icunjĩ 200 cia betha agĩtwarĩra mũturi wa indo cia betha, agĩthondeka “mũhianano wa gwacũhio na mũhianano wa cuma” na mĩhianano ĩyo ĩkĩigwo thĩinĩ wa nyũmba ya Mika. Mika aarĩ na “nyũmba ya ngai ciake” na agĩthondeka ebodi o hamwe na mĩhianano ya terafimu agĩcoka akĩamũra ũmwe wa ariũ ake atuĩke mũthĩnjĩri-ngai wake. O na gũtuĩka mũbango ũcio warĩ ũgoocithie Jehova, warĩ mũbango mũũru mũno, tondũ nĩ waunĩte rĩathani rĩrĩa rĩagirĩtie gwĩthondekera mĩhianano (Tham 20:4-6) na ningĩ nĩ waagire gũtĩa mũbango wa Jehova wa gĩikaro kĩrĩa kĩamũre na ũthĩnjĩri-Ngai. (Ati 17:1-6; Gũc 12:1-14) Thutha ũcio, akĩoya Jonathani, mũrũ wa Gerishomu, kuuma famĩlĩ-inĩ ya Musa, akĩmũtwara gwake mũciĩ na akĩmwandĩka atuĩke mũthĩnjĩri-Ngai wake. (Ati 18:4, 30) Ũndũ ũcio nĩ watũmire Mika aigue aiganĩire, o na gũtuĩka nĩ aahĩtĩtie. Aaugire ũũ: “Rĩu nĩ njũĩ Jehova nĩ ekũnjĩka maũndũ mega.” (Ati 17:7-13) No ũndũ ũcio no kuongerera wongereire mahĩtia ma Mika, tondũ Jonathani ndaumĩte famĩlĩ-inĩ ya Haruni na kwoguo ndaagĩrĩirũo gũkorũo akĩruta wĩra wa mũthĩnjĩri-Ngai.—Nda 3:10.
it-2 391 kĩb. 2
Mika
Kahinda kanini thutha ũcio, Mika na gĩkundi kĩa arũme magĩkinyĩra Adani. Rĩrĩa maamakinyĩrire makĩũria Mika nĩ kĩĩ kĩũru. Akiuga ũũ: “Muoya ngai ciakwa iria ndathondekire, na mwathiĩ nginya na mũthĩnjĩri-ngai. Ndagĩtigwo na kĩĩ?” Maigua ũguo, Adani nĩ maamwĩrire nĩ egũkorũo na moimĩrĩro moru athiĩ na mbere kũmarũmĩrĩra akĩanagĩrĩra ũguo. Rĩrĩa oonire atĩ Adani maarĩ na hinya mũingĩ gũkĩra gĩkundi gĩake, agĩcoka mũciĩ. (Ati 18:22-26) Thutha ũcio, magĩthiĩ Laishi makĩmatharĩkĩra na magĩcina itũũra rĩu na mwaki, na magĩaka itũũra rĩa Dani kuo. Adani magĩtua Jonathani na ariũ ake athĩnjĩri-Ngai, arĩa “maahandire mũhianano ũcio wa gwacũhio Mika aathondekete, na ũgĩikara ho matukũ mothe marĩa nyũmba ya Ngai ũrĩa wa ma [gĩikaro kĩrĩa kĩamũre] yarĩ Shilo.”—Ati 18:27-31.
JANŨARĨ 17-23
MŨTHITHŨ KUUMA KIUGO-INĨ KĨA NGAI | ATIIRĨRĨRI BŨRŨRI 20-21
“Thiĩ na Mbere Gũcaria Ũtongoria wa Jehova”
w11 9/15 32 kĩb. 2
Hihi no Wĩgerekanie na Finehasi Rĩrĩa Ũracemania na Moritũ?
Rĩrĩa thuriya ĩmwe ya mũhĩrĩga wa Lawii yanyitirũo kĩa hinya na ĩkĩũragwo nĩ arũme a Gibea, a mũhĩrĩga wa Benjamini, mĩhĩrĩga ĩyo ĩngĩ nĩ yathiire gũtharĩkĩra Abenjamini. (Atiir. 20:1-11) Nĩ maahoire Jehova ũteithio mbere ya gũthiĩ kũrũa nao, no magĩtoorio maita merĩ, na gũgĩkua andũ aingĩ mũno. (Atiir. 20:14-25) Hihi nĩ mangĩeciririe atĩ mahoya mao matiaiguirũo nĩ Jehova? Hihi Jehova eendaga kuona ũrĩa mangĩekire thutha wa mehia macio meekĩtwo?
w05 1/15 27 kĩb. 7
Matemo Kuuma Ibuku-inĩ rĩa Atiirĩrĩri Bũrũri
20:17-48—Nĩ kĩĩ gĩatũmire Jehova areke Abenjamini matoorie mĩhĩrĩga ĩyo ĩngĩ maita merĩ, o na gũtuĩka Abenjamini nĩ mabataraga kũherithio nĩ ũndũ wa mahĩtia mao? Rĩrĩa Jehova aarekire mĩhĩrĩga ĩyo ĩngĩ ĩtoorio kĩambĩrĩria-inĩ, eendaga kuona wendi ũrĩa mĩhĩrĩga ĩyo yarĩ naguo wa kweheria waganu biũ thĩinĩ wa Isiraeli.
w11 9/15 32 kĩb. 4
Hihi no Wĩgerekanie na Finehasi Rĩrĩa Ũracemania na Moritũ?
Tũngĩĩruta atĩa kuumana na ũndũ ũyũ? Mathĩna mamwe marĩa makoragwo thĩinĩ wa kĩũngano, no mathiĩ na mbere o na athuri merutanĩirie mũno na makahoya Ngai ũteithio. Ũndũ ta ũcio ũngĩkĩka, athuri nĩ magĩrĩirũo kũririkana ciugo ici cia Jesu: “Thiĩi na mbere kũhoya, na nĩ mũkũheo; thiĩi na mbere gũcaria, na nĩ mũkuona; thiĩi na mbere kũringaringa, na nĩ mũkũhingũrĩrũo.” (Luka 11:9) O na mahoya mangĩoneka ta maraikara matacoketio, athuri nĩ magĩrĩirũo gũkorũo na ma atĩ Jehova nĩ egũcokia mahoya macio ihinda rĩrĩa rĩagĩrĩire.
JANŨARĨ 24-30
MŨTHITHŨ KUUMA KIUGO-INĨ KĨA NGAI | RUTHU 1-2
Kũmaatha Maũndũ ma Bata Maandĩko-inĩ
w05 3/1 27 kĩb. 1
Matemo Kuuma Ibuku-inĩ rĩa Ruthu
1:13, 21—Hihi nĩ Jehova watũmĩte ũtũũro wa Naomi ũgĩe kĩeha na mathĩna? Aca, na Naomi ndaugire atĩ nĩ Ngai wekĩte maũndũ macio moru. O na kũrĩ ũguo, mathĩna marĩa mothe aagereire nĩ maatũmĩte ecirie atĩ Jehova nĩ amũtiganĩirie. Aaiguaga arĩ na kĩeha na akuĩte ngoro. Ningĩ matukũ-inĩ macio, ũhoti wa kũgĩa ciana woonekaga ũrĩ kĩrathimo kuuma kũrĩ Ngai, no mũndũ ũtarĩ ciana oonekaga arĩ na kĩrumi. Ariũ ake eerĩ gũkorũo makuĩte, na gũkorũo atĩ ndaarĩ na tũcũcũ, gwatũmaga Naomi one ũrĩ ũndũ mwagĩrĩru gwĩciria atĩ Jehova nĩ aamũnyararithĩtie.
JANŨARĨ 31–FEBRUARĨ 6
MŨTHITHŨ KUUMA KIUGO-INĨ KĨA NGAI | RUTHU 3-4
“Wĩthondekere na Ũtũũrie Rĩĩtwa Rĩega”
“Mũtumia Mwega Mũno”
Ciugo njega iria Boazu aaririe, no mũhaka ikorũo nĩ ciomĩrĩirie Ruthu mũno. Aamwĩrire ũũ: “Jehova arokũrathima mwarĩ wakwa. Nĩ wonania wendo waku mwĩhokeku makĩria ihinda rĩrĩ rĩa mũthia gũkĩra ihinda rĩa mbere, na njĩra ya kwaga gũthiĩ kũrĩ anake, o na marĩ athĩni kana marĩ atongu.” (Ruthu 3:10) “Ihinda rĩa mbere” rĩrĩa aaragia ũhoro warĩo, nĩ rĩrĩa Ruthu oonanirie wendo mwĩhokeku na njĩra ya gũcoka Isiraeli hamwe na Naomi na kũmũrũmbũiya. ‘Ihinda rĩa mũthia’ nĩ hĩndĩ ĩyo aathiĩte kũrĩ Boazu. Boazu nĩ oonire atĩ warĩ ũndũ mũhũthũ harĩ mũtumia mwĩthĩ ta Ruthu gwetha mũthuri gatagatĩ-inĩ ka anake, marĩ athĩni kana marĩ atongu. Handũ ha ũguo, to Naomi tu eendaga gwĩkĩra maũndũ mega, no nĩ nginya mũthuri wa Naomi ũrĩa wakuĩte, na njĩra ya gũtwarithia na mbere rĩĩtwa rĩa mũthuri ũcio wakuĩte thĩinĩ wa bũrũri wao. Nĩ ũndũ mũhũthũ kuona nĩ kĩĩ gĩatũmire Boazu ahutio nĩ ngumo ya mũtumia ũcio ya kwaga mwĩyendo.
“Mũtumia Mwega Mũno”
No mũhaka Ruthu akorũo nĩ aakenire mũno, ecũrania ciugo iria Boazu aaugire atĩ nĩ ooĩkaine gatagatĩ ka andũ othe atĩ aarĩ “mũtumia mwega mũno”! Hatarĩ nganja, ngumo ĩyo nĩyo yatũmire akorũo arĩ na wendi mũnene wa kũmenya Jehova, na kũmũtungatĩra. Ningĩ nĩ oonetie Naomi wendo mũnene na akonania atĩ nĩ aamwĩciragia, o hamwe na andũ ao, na njĩra ya gwĩtĩkĩra ũndũire mwerũ ataamenyerete ũtũũro-inĩ wake. Tũngĩgerekania na wĩtĩkio wa Ruthu, no tũhote kũhe andũ arĩa angĩ gĩtĩo, o hamwe na ũndũire wao. Tweka ũguo, o na ithuĩ nĩ tũrĩĩthondekagĩra rĩĩtwa rĩega na tũkarĩtũũria.
“Mũtumia Mwega Mũno”
Boazu nĩ aahikirie Ruthu. Thutha ũcio, tũthomaga atĩ ‘Jehova nĩ aarekire ohe nda na agĩciara kahĩĩ.’ Atumia a Bethilehemu nĩ meendeire Naomi maũndũ mega, na makĩgaathĩrĩria Ruthu nĩ ũndũ wa gũkorũo arĩ wa bata harĩ we gũkĩra ariũ mũgwanja. Mũriũ ũcio wa Ruthu, aacokire gũtuĩka gukawe wa Mũthamaki Daudi. (Ruthu 4:11-22) Nake Daudi agĩtuĩka gukawe wa Jesu Kristo.—Mathayo 1:1.
Kũmaatha Maũndũ ma Bata Maandĩko-inĩ
w05 3/1 29 kĩb. 3
Matemo Kuuma Ibuku-inĩ rĩa Ruthu
4:6—Nĩ na njĩra ĩrĩkũ mũkũũri ‘angĩathũkirie’ igai rĩake mwene akĩhingia itemi rĩake rĩa gũkũũra? Ũndũ wa mbere, mũndũ angĩathĩnire na endie igai rĩa mũgũnda wake, mũkũũri angĩarutire mbeca cia kũũgũra iringaine na mĩaka ĩrĩa yatigarĩte nginya Jubilii ĩkinye. (Maũndũ ma Alawii 25:25-27) Gwĩka ũguo nĩ kũngĩatũmire anyihie ũtonga wake. Makĩria ma ũguo, Ruthu angĩagĩire na mũriũ, mũriũ ũcio nĩwe ũngĩagaire mũgũnda ũcio wagũrĩtwo, no ti mũndũ ũngĩ wa famĩlĩ ya mũkũũri.
FEBRUARĨ 7-13
MŨTHITHŨ KUUMA KIUGO-INĨ KĨA NGAI | 1 SAMUELI 1-2
“Itũrũragĩra Jehova Ngoro Yaku Mahoya-inĩ”
w07 3/15 16 kĩb. 4
Ũrĩa Hana Aagĩire na Thayũ
Tũngĩĩruta atĩa kuumana na maũndũ macio mothe? Rĩrĩa twahoya Jehova nĩ ũndũ wa maũndũ marĩa maratũtanga, no tũmũmenyithie ũrĩa tũraigua na tũmũitũrũrĩre ngoro citũ. Angĩkorũo hatirĩ ũndũ ũngĩ tũngĩka kũniina thĩna ũrĩa tũrĩ naguo, twagĩrĩirũo gũtiga ũndũ ũcio moko-inĩ ma Jehova. Ũcio nĩguo ũndũ ũrĩa mwega.—Thimo 3:5, 6.
Kũmaatha Maũndũ ma Bata Maandĩko-inĩ
w05 3/15 21 kĩb. 5
Matemo Kuuma Ibuku-inĩ rĩa Samueli wa Mbere
2:10—Nĩ kĩĩ gĩatũmire Hana ahoe Jehova ‘ahe mũthamaki wake hinya’ na hĩndĩ ĩyo gũtiarĩ na mũthamaki thĩinĩ wa Isiraeli? Ũhoro wa Isiraeli kũgĩa na mũthamaki, nĩ warathĩtwo thĩinĩ wa Watho wa Musa. (Gũcokerithia Maathani 17:14-18) Ũrathi-inĩ ũrĩa Jakubu aarathire arĩ ũrĩrĩ-inĩ atanakua, aaugire ũũ: “Mũthĩgi [kana rũũri rwa kuonania ũtongoria] ndũkehera harĩ Juda.” (Kĩambĩrĩria 49:10) Makĩria ma ũguo, Jehova akĩaria ũhoro wĩgiĩ Sara, nyina wa rũrĩrĩ rwa Isiraeli, aaugire ũũ: “Athamaki a ikundi cia andũ nĩ makooima harĩ we.” (Kĩambĩrĩria 17:16) Kwoguo Hana, aahoyaga igũrũ rĩa Mũthamaki ũrĩa ũngĩgoka ihinda rĩũkĩte.
FEBRUARĨ 14-20
MŨTHITHŨ KUUMA KIUGO-INĨ KĨA NGAI | 1 SAMUELI 3-5
Kũmaatha Maũndũ ma Bata Maandĩko-inĩ
w05 3/15 21 kĩb. 6
Matemo Kuuma Ibuku-inĩ rĩa Samueli wa Mbere
3:3—Hihi Samueli aakomaga Harĩa Hatheru Mũno? Aca. Samueli aarĩ Mũlawii wa mũhĩrĩga wa Kohathu, na acio matiatungataga marĩ athĩnjĩri-Ngai. (1 Maũndũ ma Matukũ ma Tene 6:33-38) Nĩ ũndũ ũcio, ndaagĩrĩirũo ‘kũingĩra thĩinĩ one indo iria theru.’ (Ndari 4:17-20) Handũ harĩa tu angĩathiire thĩinĩ wa handũ harĩa hatheru, no nja ya gĩikaro kĩrĩa kĩamũre. Kwoguo no kũhoteke hau nĩho aakomaga. O na Eli no kũhoteke aakomaga o kũu nja ya gĩikaro kĩrĩa kĩamũre. Kwoguo ciugo “kũrĩa Ithandũkũ rĩa Ngai rĩarĩ” ciaragia ũhoro wa gĩikaro kĩrĩa kĩamũre.
FEBRUARĨ 21-27
MŨTHITHŨ KUUMA KIUGO-INĨ KĨA NGAI | 1 SAMUELI 6-8
“Mũthamaki Waku Nũũ?”
it-2 163 kĩb. 1
Ũthamaki wa Ngai
Aisiraeli kuuga mathuurĩrũo mũthamaki. Hakuhĩ mĩaka 400 kuuma rĩrĩa Aisiraeli maaumire Misiri, na makĩria ma mĩaka 800 kuuma rĩrĩa Ngai aarĩkanĩire kĩrĩkanĩro na Iburahimu, Aisiraeli nĩ maaugire mathuurĩrũo mũthamaki wa kũmatongoragia o ta ũrĩa ndũrĩrĩ iria ingĩ ciarĩ na athamaki. Rĩrĩa maaugire ũguo, nĩ kũrega maaregire Jehova akorũo arĩ mũthamaki wao. (1Sa 8:4-8) O ta ũrĩa hekũgwetetwo, Aisiraeli nĩ meerĩgagĩrĩra Ngai ahande ũthamaki, o ta ũrĩa eerĩire Iburahimu na Jakubu. Ningĩ nĩ kũrĩ maũndũ mangĩ maagĩrĩirũo gũtũma makorũo na kĩĩrĩgĩrĩro kĩu, ta ciugo iria Jakubu aarathire arĩ ũrĩrĩ-inĩ ciĩgiĩ Juda arĩ hakuhĩ gũkua (Kĩa 49:8-10), ciugo iria Jehova eerire Aisiraeli thutha wa kuuma Misiri (Tham 19:3-6), maũndũ marĩa maarĩ kĩrĩkanĩro-inĩ kĩa Watho (Gũc 17:14, 15), na nginya harĩ ciugo iria Ngai aatũmire mũnabii Balaamu arie (Nda 24:2-7, 17). Hana, nyina wa Samueli, nĩ oonanirie atĩ aarĩ na kĩĩrĩgĩrĩro kĩu mahoya-inĩ make. (1Sa 2:7-10) O na kũrĩ ũguo, Jehova ndaaguũrĩtie biũ ũhoro wĩgiĩ “hitho theru” ya Ũthamaki ũcio, na ndaaugĩte ihinda rĩrĩa angĩkaahanda Ũthamaki ũcio, kana ũrĩa Ũthamaki ũcio ũngĩgakorũo ũbangĩtwo, na kana ũngĩgakorũo kũrĩa igũrũ kana gũkũ thĩ. Kwoguo Aisiraeli nĩ moonanirie atĩ maarĩ na mwĩĩkĩrĩro rĩrĩa maaugire atĩ mathuurĩrũo mũthamaki.
Nĩ Aakirĩrĩirie o na Acemania na Maũndũ ma Kũmũũraga Ngoro
Ta rora ũrĩa Jehova aaugire rĩrĩa Samueli aamũgweteire ũndũ ũcio mahoya-inĩ: “Thikĩrĩria ũrĩa wothe andũ acio marakwĩra; nĩ gũkorũo tiwe mararega, no nĩ niĩ mararega ndĩ mũthamaki wao.” Ũndũ ũcio nĩ womĩrĩirie Samueli mũno, no ningĩ warĩ wa kwagĩra Ngai Mwene-Hinya-Wothe gĩtĩo. Jehova nĩ eerire mũnabii ũcio wake ere Aisiraeli moimĩrĩro moru marĩa mangĩagĩire namo nĩ ũndũ wa kwĩgĩĩra na mũthamaki wao. Rĩrĩa Samueli aameerire ũguo, maaugire ũũ: “Aca, nĩ tũtuĩte itua rĩa kũgĩa na mũthamaki wa gũtũthamakagĩra.” Tondũ Samueli hingo ciothe aathĩkagĩra Ngai, nĩ aathiire na agĩitĩrĩria maguta mũthamaki ũrĩa Jehova aathuurire.—1 Samueli 8:7-19.
w10 1/15 30 kĩb. 9
Njĩra ya Jehova ya Gwathana Nĩyo Yagĩrĩire!
Historĩ nĩ yonanĩtie atĩ mũkaana ũrĩa Jehova aaheanire nĩ wa ma. Gũtongorio nĩ mũndũ arĩ mũthamaki gwatũmire Aisiraeli maingĩre mathĩna-inĩ maritũ, makĩria hĩndĩ ĩrĩa mũthamaki akorũo atarĩ mwĩhokeku. Tũrĩ na ngerekano ĩyo ya Aisiraeli meciria-inĩ, nĩkĩo ti ũndũ wa kũgegania kuona atĩ kwa ihinda rĩa mĩaka mĩingĩ, thirikari iria itongoragio nĩ andũ matoĩ Jehova, nĩ iremetwo kũrehera andũ kĩhonia kĩa mathĩna mao. Ateti amwe nĩ mahoyaga irathimo cia Ngai hĩndĩ ĩrĩa marerutanĩria kũrehe thayũ na ũgitĩri, no Ngai angĩrathima atĩa andũ matarenyihĩria njĩra yake ya gwathana?—Thab. 2:10-12.
Kũmaatha Maũndũ ma Bata Maandĩko-inĩ
w02 4/1 12 kĩb. 13
Mũndũ Agĩrĩirũo Kũbatithio Nĩkĩ?
Mũndũ no mũhaka agarũrũke atanabatithio nĩguo atuĩke Mũira wa Jehova. Mũndũ agarũrũkaga na kwĩyendera tondũ nĩ atuĩte itua na ngoro yake yothe rĩa kũrũmĩrĩra Jesu Kristo. Mũndũ ta ũcio akoragwo atiganĩte na mĩthiĩre yake mĩũru, na agatua itua rĩa gwĩka maũndũ marĩa magĩrĩire maitho-inĩ ma Ngai. Thĩinĩ wa Maandĩko, ciugo cia Kĩhibirania na Kĩngiriki iria itaaragĩria ũndũ ũcio, cionanagia mũndũ gũcenjia biũ. Ũndũ ũcio wonanagia mũndũ ũratiga kũrũmĩrĩra njĩra njũru, akambĩrĩria kũrũmĩrĩra Ngai. (1 Athamaki 8:33, 34) Andũ monanagia atĩ nĩ magarũrũkĩte, “na njĩra ya gwĩka ciĩko ironania atĩ nĩ merirĩte.” (Atũmwo 26:20) Ũndũ ũcio ũbataraga tũtigane na ũthathaiya wa maheeni, twĩke kũringana na mawatho ma Ngai, na tũhe Jehova ũtungata wa ngoro yothe. (Gũcokerithia Maathani 30:2, 8-10; 1 Samueli 7:3) Kũgarũrũka kũbataraga tũcenjie mwĩcirĩrie witũ, mĩoroto itũ, na mĩerekera itũ. (Ezekieli 18:31) Rĩrĩa ‘twagarũrũka,’ tũtigaga gũkorũo na ngumo njũru, na tũkehumba ũmũndũ mwerũ.—Atũmwo 3:19; Aefeso 4:20-24; Akolosai 3:5-14.
FEBRUARĨ 28–MACHI 6
MŨTHITHŨ KUUMA KIUGO-INĨ KĨA NGAI | 1 SAMUELI 9-11
“Kĩambĩrĩria-inĩ Saulu Aarĩ Mwĩnyihia na Ndeĩkagĩrĩra”
w95 12/15 10 kĩb. 1
Aamoni Maarĩhire Wega na Ũũru
O rĩngĩ, Aamoni maarĩhire wega ũrĩa meekĩtwo nĩ Jehova na ũũru. Jehova ndaagire kuoya ikinya nĩ ũndũ wa ũndũ ũcio mũũru meekire. Bibilia yugaga ũũ: “Roho wa Ngai ũgĩtũma Saulu agĩe na hinya aigua ciugo icio [cia Nahashu], na agĩcinwo nĩ marakara.” Saulu agĩtongorio nĩ roho wa Ngai nĩ aacokanĩrĩirie arũme 330,000 a mbaara, arĩa maatharĩkĩire Aamoni na njĩra nene ũũ atĩ “gũtirĩ andũ erĩ maatigĩtwo marĩ hamwe.”—1 Samueli 11:6, 11.
Kũmaatha Maũndũ ma Bata Maandĩko-inĩ
w05 3/15 22 kĩb. 8
Matemo Kuuma Ibuku-inĩ rĩa Samueli wa Mbere
9:9—Ciugo “mũnabii wa mahinda maya, tene eetagwo muoni maũndũ” ciendaga kuuga atĩa? Ciugo icio no kũhoteke ciendaga kuonania atĩ o ũrĩa anabii maathiire makĩhũthĩkaga makĩria matukũ-inĩ ma Samueli na hĩndĩ ya athamaki a Isiraeli, kiugo “muoni maũndũ” nĩ gĩatigire kũhũthĩka na andũ makĩambĩrĩria kũhũthĩra kiugo “mũnabii.” Samueli nĩ agwetagwo atariĩ ta mũnabii wa mbere.—Atũmwo 3:24.