Mabuku Marĩa Magwetetwo Thĩinĩ wa Kabuku ka Mũcemanio wa Ũtũũro na Ũtungata
JANŨARĨ 2-8
MŨTHITHŨ KUUMA KIUGO-INĨ KĨA NGAI | 2 ATHAMAKI 22-23
“Wagĩrĩirũo Kwĩnyihia Nĩkĩ?”
w00 9/15 29-30
Josia nĩ Eetĩkĩrĩkire nĩ Jehova nĩ Ũndũ wa Kwĩnyihia
Kuuma rũcinĩ tene, arĩa maathondekaga hekarũ maarutaga wĩra na kĩyo. Hatarĩ nganja Josia nĩ aacokeirie Jehova ngatho, tondũ aruti wĩra acio maathondekaga nyũmba ya Ngai kũrĩa yathũkĩtio nĩ andũ amwe aganu a famĩlĩ yao. O wĩra ũgĩthiaga na mbere, Shafani akĩrehe ndũmĩrĩri. Yarĩ ndũmĩrĩri ĩrĩkũ? Aakuuĩte gĩkũnjo! Aataarĩirie atĩ Hilikia Mũthĩnjĩri-Ngai Ũrĩa Mũnene nĩ oonete “ibuku rĩa Watho wa Jehova ũrĩa waneanĩtwo kũgerera harĩ Musa.” (2 Maũndũ ma Matukũ ma Tene 34:12-18) Warĩ ũndũ wa mwanya mũno, tondũ rĩarĩ ibuku rĩa Watho rĩrĩa rĩaandĩkĩtwo kĩambĩrĩria-inĩ.
Josia nĩ eendaga mũno kũigua ciugo ciothe cia ibuku rĩu. Rĩrĩa Shafani aathomaga, mũthamaki nĩ aageragia kũrora ũrĩa o rĩathani rĩamũhutagia na rĩkahutia andũ arĩa angĩ. Nĩ aakenirio makĩria nĩ ũrĩa ibuku rĩu rĩekĩrĩire ũthathaiya wa ma na rĩkaratha ũhoro wa mahũũra marĩa mangĩakorire andũ mangĩanyitanĩire ũthathaiya-inĩ wa maheeni. Rĩrĩa Josia oonire atĩ ti maathani mothe ma Ngai maarũmĩrĩirũo, aatembũrire nguo ciake na akĩra Hilikia, Shafani, na andũ angĩ ũũ: “Thiĩi mũtuĩrie ũhoro harĩ Jehova . . . igũrũ rĩgiĩ ciugo cia ibuku rĩrĩ rĩonetwo; nĩ gũkorũo marakara ma Jehova marĩa marakana gũtwerekera nĩ manene, tondũ maithe maitũ ma tene matiathĩkĩire ciugo cia ibuku rĩrĩ.”—2 Athamaki 22:11-13; 2 Maũndũ ma Matukũ ma Tene 34:19-21.
w00 9/15 30 kĩb. 2
Josia nĩ Eetĩkĩrĩkire nĩ Jehova nĩ Ũndũ wa Kwĩnyihia
Andũ arĩa Josia aatũmire maathiire Jerusalemu kũrĩ Hulida ũrĩa warĩ mũnabii na magĩcoka na ndũmĩrĩri. Hulida nĩ aamamenyithirie kiugo kĩa Jehova, akiuga atĩ mathĩna marĩa maagwetetwo ibuku-inĩ rĩu rĩoonekete nĩ mangĩakorire rũrĩrĩ rũu rwaregenyũkĩte. No nĩ ũndũ wa kwĩnyihia mbere ya Jehova Ngai, Josia ndangĩkona mathĩna macio. Angĩgaaturanĩrũo na maithe make ma tene na akomio mbĩrĩra-inĩ yake na thayũ.—2 Athamaki 22:14-20; 2 Maũndũ ma Matukũ ma Tene 34:22-28.
Kũmaatha Maũndũ ma Bata Maandĩko-inĩ
w01 4/15 26 kĩb. 3-4
No Ũgaacĩre Gũtekũmakania Ũrĩa Mũrerere Waku Wahaanaga
O na gũtuĩka Josia nĩ aacemanirie na maũndũ maritũ arĩ mũnini, no aathiire na mbere gwĩka maũndũ mega maitho-inĩ ma Jehova. Wathani wake warĩ mũgaacĩru ũũ atĩ Bibilia yugaga ũũ: “Gũtirĩ mũthamaki ũngĩ wahaanaga take mbere yake, wacokereire Jehova na ngoro yake yothe na muoyo wake wothe na hinya wake wothe, kũringana na Watho wa Musa wothe; o na gũtiarahũkire ũngĩ wahaanaga take thutha wake.”—2 Athamaki 23:19-25.
Kĩonereria kĩa Josia nĩ gĩa gwĩkĩra ngoro harĩ andũ arĩa maacemanirie na maũndũ maritũ marĩ anini. Tũngĩĩruta atĩa kuumana na kĩonereria gĩake? Nĩ kĩĩ gĩateithirie Josia gũthuura njĩra ĩrĩa yagĩrĩire na gũtũũra thĩinĩ wayo?
JANŨARĨ 9-15
MŨTHITHŨ KUUMA KIUGO-INĨ KĨA NGAI | 2 ATHAMAKI 24-25
“Ririkanaga Mahinda Marĩa Tũratũũra”
w01 2/15 12 kĩb. 2
Mũthenya wa Jehova wa Ituĩro nĩ Ũkuhĩrĩirie!
Hatarĩ nganja, ũrathi wa Zefania nĩ wateithirie Josia kuona wega makĩria bata wa kweheria ũthathaiya ũtarĩ mũtheru thĩinĩ wa Juda. O na gũtuĩka mũthamaki nĩ eeheririe ũthathaiya wa maheeni bũrũri-inĩ, ũndũ ũcio ndweheririe waganu wothe ũrĩa andũ maarĩ naguo, kana ũkĩhumbĩra mehia ma gukawe Mũthamaki Manase, ũrĩa ‘waiyũrĩtie Jerusalemu thakame ĩtarĩ mahĩtia.’ (2 Athamaki 24:3, 4; 2 Maũndũ ma Matukũ ma Tene 34:3) Kwoguo no mũhaka mũthenya wa Jehova wa ituĩro ũngĩokire.
w07 3/15 11 kĩb. 10
Matemo Kuuma Ibuku-inĩ rĩa Jeremia
Kwarĩ mwaka wa 607 M.M.M., na warĩ mwaka wa 11 wa wathani wa Zedekia. Mũthamaki Nebukadineza wa Babuloni aaikarĩte arigicĩirie Jerusalemu ihinda rĩa mĩeri 18. Mũthenya wa mũgwanja, mweri wa gatano, mwaka-inĩ wa 19 wa wathani wa Nebukadineza, Nebuzaradani mũnene wa arangĩri nĩ ‘aakinyire’ Jerusalemu. (2 Athamaki 25:8) Hihi arĩ kambĩ-inĩ yake ĩrĩa yarĩ nja ya thingo cia itũũra rĩu, Nebuzaradani nĩ aarorire ũrĩa maũndũ maahaanaga na akĩbanga ikinya rĩrĩa ekuoya. Thikũ ithatũ thutha ũcio, mũthenya wa ikũmi wa mweri ũcio, “akĩingĩra” Jerusalemu na agĩcina itũũra rĩu.—Jeremia 52:12, 13.
Kũmaatha Maũndũ ma Bata Maandĩko-inĩ
w05 8/1 12 kĩb. 2
Matemo Kuuma Ibuku-inĩ rĩa Athamaki wa Kerĩ
24:3, 4. Nĩ ũndũ wa mehia marĩa Manase eekĩte ma gũita thakame, Jehova ‘ndeehaarĩirie kuohera’ Juda. Ngai nĩ atĩĩte thakame ya andũ arĩa matarĩ na mahĩtia. No tũkorũo na ũũma atĩ Jehova nĩ akaarĩhĩria thakame ĩtarĩ na mahĩtia na njĩra ya kũherithia arĩa maamĩitire.—Thaburi 37:9-11; 145:20.
JANŨARĨ 16-22
MŨTHITHŨ KUUMA KIUGO-INĨ KĨA NGAI | 1 MAŨNDŨ MA MATUKŨ MA TENE 1-3
“Bibilia Ĩkoragwo na Ngʼano cia Ma, ti cia Gwĩcirĩrio”
w09 9/1 14 kĩb. 1
Adamu na Hawa—Hihi Maarĩ Andũ a Biũ?
Kwa ngerekano, ta wĩcirie ũhoro wa rekondi cia ndĩra cia Ayahudi iria irĩ ibuku-inĩ rĩa 1 Maũndũ ma Matukũ ma Tene mũrango wa 1 nginya wa 9 na thĩinĩ wa Injiri ya Luka mũrango wa 3. Rekondi ĩrĩa ĩrĩ thĩinĩ wa 1 Maũndũ ma Matukũ ma Tene yonanagia ũhoro wa njiarũa 48 nayo ya Luka njiarũa 75. Ibuku rĩa Luka rĩtaaragĩria ndĩra cia Jesu Kristo, narĩo rĩa Maũndũ ma Matukũ ma Tene rĩaragĩrĩria njiarũa cia athamaki na athĩnjĩri-Ngai thĩinĩ wa rũrĩrĩ rwa Isiraeli. Rekondi icio cierĩ ikoragwo na marĩĩtwa ma andũ moĩkaine wega ta Suleimani, Daudi, Jakubu, Isaaka, Iburahimu, Nuhu, na mũthia-inĩ Adamu. Marĩĩtwa mothe marĩa marĩ rekondi-inĩ icio cierĩ nĩ ma andũ a biũ, na Adamu nĩwe warĩ mũndũ wa mbere wa biũ rekondi-inĩ icio.
w08 6/1 3 kĩb. 4
Rũgano rwa Nuhu na Mũiyũro nĩ rwa ma ti rwa Gwĩcirĩrio
Rekondi igĩrĩ cia ndĩra thĩinĩ wa Bibilia cionanagia atĩ Nuhu aarĩ mũndũ wa biũ. (1 Maũndũ ma Matukũ ma Tene 1:4; Luka 3:36) Ezara na Luka, arĩa maandĩkire ũhoro wa ndĩra icio, nĩ maathuthuragia maũndũ na kinyi. Luka aathuthuririe ndĩra cia Jesu Kristo kũgerera harĩ Nuhu.
w09 9/1 14-15
Adamu na Hawa—Hihi Maarĩ Andũ a Biũ?
Kwa ngerekano, ta wĩcirie ũhoro wa ũrutani wa ũkũũri ũrĩa wendetwo nĩ andũ aingĩ arĩa mathiaga kanitha. Kũringana na ũrutani ũcio, Jesu Kristo aarutire muoyo wake mũkinyanĩru arĩ mũndũ ũtuĩke ũkũũri nĩguo ahonokie andũ kuuma mehia-inĩ mao. (Mathayo 20:28; Johana 3:16) O ta ũrĩa tũĩ, ũkũũri nĩ thogora ũringaine ũrĩa ũrutagwo nĩguo ũkũũre kana ũgũre rĩngĩ kĩndũ kĩũrĩte kana gĩgathũkangio. Nĩkĩo Bibilia yugaga atĩ Jesu nĩ “ũkũũri ũringaine.” (1 Timotheo 2:6) Hihi nĩ ũkũũri ũringaine na kĩĩ? Bibilia ĩcokagia ĩkauga: “O ta ũrĩa othe makuaga nĩ ũndũ wa Adamu, noguo othe magaacokio muoyo nĩ ũndũ wa Kristo.” (1 Akorintho 15:22) Muoyo mũkinyanĩru ũrĩa Jesu aarutire nĩguo akũũre andũ arĩa athĩki, ũringaine na muoyo mũkinyanĩru ũrĩa Adamu aateire rĩrĩa meehirie mũgũnda-inĩ wa Edeni. (Aroma 5:12) Kwoguo korũo Adamu ndaarĩ mũndũ wa biũ, igongona rĩa ũkũũri rĩa Kristo rĩngĩrĩ rĩa tũhũ.
Kũmaatha Maũndũ ma Bata Maandĩko-inĩ
it-1 911 kĩb. 3-4
Ndĩra
Marĩĩtwa ma Atumia. Rĩmwe atumia nĩ maagwetagwo rekondi-inĩ cia ndĩra kũngĩakorirũo na gĩtũmi gĩa gwĩka ũguo. Sarai (Sara) nĩ agwetetwo thĩinĩ wa Kĩambĩrĩria 11:29, 30, tondũ Mbeũ ĩrĩa yeranĩirũo ĩngĩaumanire nake no ti mũtumia ũngĩ wa Iburahimu. No kũhoteke Milika agwetetwo mĩhari-inĩ ĩyo tondũ aarĩ cũwe wa Rebeka, mũtumia wa Isaaka, kuonania atĩ Rebeka aaumanĩte na famĩlĩ cia Iburahimu, tondũ Isaaka ndaabatiĩ gwetha mũtumia thĩinĩ wa ndũrĩrĩ. (Kĩa 22:20-23; 24:2-4) Thĩinĩ wa Kĩambĩrĩria 25:1, Ketura ũrĩa wacokire gũtuĩka mũtumia wa Iburahimu nĩ agwetetwo. Ũndũ ũcio ũronania atĩ Iburahimu nĩ aahikanirie rĩngĩ thutha wa Sara gũkua, na atĩ aarĩ o na hinya wa ũciari makĩria ma mĩaka 40 kuuma rĩrĩa aacokeirio hinya ũcio nĩ Jehova na njĩra ya kĩama. (Ro 4:19; Kĩa 24:67; 25:20) Ningĩ ũndũ ũcio nĩ wonanagia ũrĩa Aisiraeli meetainwo na Amidiani na ndũrĩrĩ ingĩ cia Aarabu.
Lea, Rakeli, na thuriya cia Jakubu, hamwe na ariũ arĩa maagĩire, nĩ magwetetwo. (Kĩa 35:21-26) Ũndũ ũcio nĩ ũtũteithagia gũtaũkĩrũo nĩ kĩrĩa gĩatũmire Ngai ahiũranie na ariũ acio na njĩra ĩrĩa aahiũranirie nao thutha-inĩ. Nĩ ũndũ wa itũmi ta icio, atumia angĩ nĩ magwetetwo rekondi-inĩ cia ndĩra. Rĩmwe marĩĩtwa mao nĩ maagwetagwo angĩkorũo igai rĩaneanwo kũgerera harĩ o. (Nda 26:33) Gĩtũmi gĩa Tamaru, Rahabu, na Ruthu kũgwetwo kĩarĩ kĩa mwanya. Harĩ o ũmwe wao, kwarĩ na ũndũ wa mwanya wĩgiĩ ũrĩa maatuĩkire a mbarĩ cia Mesia, Jesu Kristo. (Kĩa 38; Ru 1:3-5; 4:13-15; Mat 1:1-5) Maandĩko mangĩ marĩa magwetete atumia rekondi-inĩ cia ndĩra nĩ 1 Maũndũ ma Matukũ ma Tene 2:35, 48, 49; 3:1-3, 5.
JANŨARĨ 23-29
MŨTHITHŨ KUUMA KIUGO-INĨ KĨA NGAI | 1 MAŨNDŨ MA MATUKŨ MA TENE 4-6
“Mahoya Makwa Monanagia Ũndũ Ũrĩkũ Ũnjĩgiĩ?”
w10 10/1 23 kĩb. 3-7
“Mũigua wa Mahoya”
Jabezu nĩ eendete kũhoya. Aambĩrĩirie mahoya make na gũthaitha Ngai amũrathime. Aacokire akĩhoya maũndũ matatũ marĩa monanagia atĩ aarĩ na wĩtĩkio mũrũmu.
Ũndũ wa mbere, Jabezu aathaithire Ngai akĩmwĩra: ‘Araramia gĩcigo gĩakwa.’ (1 Maũndũ ma Matukũ ma Tene 4:10) Tondũ aarĩ mũndũ mũtĩĩku, ti kwenda eendaga gũtunyana mũgũnda kana akerirĩria kĩndũ kĩa mũndũ ũngĩ. No kũhoteke aahoyaga mũno nĩ ũndũ wa andũ no ti mũgũnda. Kwahoteka aahoyaga araramĩrio gĩcigo gĩake nĩguo kĩhote gũkorũo na athathaiya aingĩ a Ngai ũrĩa wa ma.
Ũndũ wa kerĩ, Jabezu aathaithire Ngai atĩ “guoko” gwake gũkorũo hamwe nake. Guoko kwa Ngai kwa mũhaano nĩ hinya wake ũrĩa ahũthagĩra gũteithia athathaiya ake. (1 Maũndũ ma Matukũ ma Tene 29:12) Nĩguo Jabezu amũkĩre mathaithana ma ngoro yake, eehokire Ngai ũrĩa guoko gwake gũtakoragwo kũrĩ gũkuhĩ kwerekera arĩa monanagia wĩtĩkio harĩ we.—Isaia 59:1.
Ũndũ wa gatatũ, Jabezu aahoire akiuga: “Ũũhonokie kuuma thĩna-inĩ, nĩgetha thĩna ũcio ndũkandehere ũũru.” No kũhoteke ciugo “nĩgetha thĩna ũcio ndũkandehere ũũru” cionanagia atĩ Jabezu ndaahoyaga atĩ ndagacemanie na thĩna, no aahoyaga agitĩrũo ndakagĩe na kĩeha kana atoorio nĩ maumĩrĩro ma maũndũ moru.
Mahoya ma Jabezu moonanagia atĩ nĩ aarũmbũyagia ũthathaiya wa ma na nĩ eetĩkĩtie na akehoka Mũigua wa mahoya. Hihi Jehova nĩ aacokirie mahoya macio? Rĩandĩko rĩrĩkĩrĩirie na ciugo ici: “Nĩ ũndũ ũcio Ngai akĩhingia ũndũ ũcio aahoete.”
Kũmaatha Maũndũ ma Bata Maandĩko-inĩ
w05 10/1 9 kĩb. 7
Matemo Kuuma Ibuku-inĩ rĩa Maũndũ ma Matukũ ma Tene wa Mbere
5:10, 18-22. Matukũ-inĩ ma Mũthamaki Saulu, mĩhĩrĩga ĩrĩa yarĩ mwena wa irathĩro wa Jorodani nĩ yatooririe Ahagari, o na gũtuĩka maarĩ aingĩ kũmakĩra na makĩria ma maita merĩ. Gĩtũmi nĩ tondũ arũme a mĩhĩrĩga ĩyo arĩa maarĩ na hinya, nĩ meehokire Jehova amateithie. Rekei twĩhokage Jehova biũ tũkĩrũa na thũ irĩ na hinya mbaara-inĩ itũ ya kĩĩroho.—Aefeso 6:10-17.
JANŨARĨ 30–FEBRUARĨ 5
MŨTHITHŨ KUUMA KIUGO-INĨ KĨA NGAI | 1 MAŨNDŨ MA MATUKŨ MA TENE 7-9
“No Ũhote Kũhingia Mawĩra Maritũ Ũgĩteithio nĩ Jehova”
w05 10/1 9 kĩb. 8
Matemo Kuuma Ibuku-inĩ rĩa Maũndũ ma Matukũ ma Tene wa Mbere
9:26, 27. Alawii arĩa maarangagĩra ihingo meehokeirũo wĩra wa bata mũno. Maaheetwo cabi cia kũingĩra kũndũ kũrĩa gũtheru thĩinĩ wa hekarũ. Nĩ moonanirie atĩ nĩ meehokekete wĩra-inĩ wa kũhingũra ihingo o mũthenya. Ũmũthĩ nĩ twĩhokeirũo wĩra wa kũhunjĩria andũ gĩcigo-inĩ gitũ na kũmateithia moke mathathaiye Jehova. Githĩ tũtiagĩrĩirũo kuonania atĩ tũrĩ andũ mangĩhokeka o ta Alawii acio maarangagĩra ihingo?
w11 9/15 32 kĩb. 7
No Ũkorũo Ũhaana ta Finehasi Rĩrĩa Ũracemania na Moritũ?
Finehasi nĩ eehokeirũo wĩra mũritũ thĩinĩ wa Isiraeli; no nĩ ũndũ wa gũkorũo na ũmĩrĩru, ũtaũku, na kwĩhoka Ngai, nĩ aahotire kũhiũrania na moritũ. Na nĩ ũndũ wa kũrũmbũiya kĩũngano kĩa Ngai na kĩyo, nĩ eetĩkĩrĩkire nĩ Jehova. Mĩaka ta 1,000 thutha ũcio, Ezara aandĩkire ũũ atongoretio nĩ roho: “Mbere ĩyo Finehasi mũrũ wa Eliazaru nĩwe warĩ mũtongoria wao; Jehova aakoragwo hamwe nake.” (1 Maũ. 9:20) O take, Jehova arokorũo hamwe na arĩa othe matongoragia andũ a Ngai ũmũthĩ, o hamwe na Akristiano othe arĩa mamũtungatagĩra marĩ ehokeku.
Kũmaatha Maũndũ ma Bata Maandĩko-inĩ
w10 12/15 21 kĩb. 6
Inĩrai Jehova!
Kũgerera anabii ake, Jehova eerĩte athathaiya ake mamũinagĩre nyĩmbo cia kũmũgooca. O na aini arĩa maarĩ a mũhĩrĩga wa athĩnjĩri-Ngai nĩ meehereirio mawĩra marĩa Alawii acio angĩ maabatiĩ kũruta, nĩguo makorũo na ihinda rĩiganu rĩa gũtunga nyĩmbo na kwĩmenyeria.—1 Maũ. 9:33.
FEBRUARĨ 6-12
MŨTHITHŨ KUUMA KIUGO-INĨ KĨA NGAI | 1 MAŨNDŨ MA MATUKŨ MA TENE 10-12
Kũmaatha Maũndũ ma Bata Maandĩko-inĩ
it-1 1058 kĩb. 5-6
Ngoro
Gũtungata na “Ngoro Yothe.” Ngoro ĩrĩa ĩhũũraga thakame no nginya ĩkorũo ĩrĩ ngʼima nĩguo ĩrute wĩra wega, no ngoro ya mũhaano no ĩkorũo ĩgayũkanĩte. Daudi aahoire akiuga: “He ngoro ĩtagayũkanĩte nĩguo ndĩtigagĩre rĩĩtwa rĩaku,” kuonania atĩ ngoro ya mũndũ no ĩkorũo ĩgayũkanĩte ũhoro-inĩ wĩgiĩ maũndũ marĩa yendete na marĩa ĩĩtigĩrĩte. (Thb 86:11) Mũndũ ta ũcio no akorũo na “ngoro igĩrĩ,” ũthathaiya wake harĩ Ngai ũgakorũo ũrĩ mũraru. (Thb 119:113; Kũg 3:16) Ningĩ mũndũ no akorũo na “ngoro igĩrĩ” (Kĩhibirania, mũndũ ũrĩ na ngoro na ngoro), akageria gũtungatĩra athani erĩ, kana akaheenania akauga ũndũ mũna no areciria ũndũ ũngĩ. (1Ma 12:33; Thb 12:2, kohoro ka magũrũ-inĩ) Jesu nĩ aamenereirie andũ ta acio a ngoro igĩrĩ akiuga atĩ nĩ hinga.—Mat 15:7, 8.
Mũndũ ũrenda gũkenia Ngai ndagĩrĩirũo gũkorũo na ngoro ngayũkanu kana ngoro igĩrĩ no agĩrĩirũo kũmũtungatĩra na ngoro yothe. (1Ma 28:9) Ũndũ ũcio nĩ ũbataraga kĩyo tondũ ngoro ĩkoragwo ĩrĩ ũgwati na mwerekera wayo nĩ gwĩka maũndũ moru. (Je 17:9, 10; Kĩa 8:21) Maũndũ marĩa mangĩtũteithia gũthiĩ na mbere gũtungata na ngoro yothe nĩ: mahoya ma kuuma ngoro (Thb 119:145; Mac 3:41), kwĩruta Kiugo kĩa Ngai o mũthenya (Eza 7:10; Thi 15:28), kũhunjia ũhoro ũrĩa mwega na kĩyo (ringithania Je 20:9), na kũnyitanĩra na andũ arĩa matungatagĩra Jehova na ngoro yothe.—Ringithania 2Ath 10:15, 16.
FEBRUARĨ 13-19
MŨTHITHŨ KUUMA KIUGO-INĨ KĨA NGAI | 1 MAŨNDŨ MA MATUKŨ MA TENE 13-16
“Gwathĩkĩra Ũtongoria nĩ Gũtũmaga Maũndũ Magaacĩre”
Hihi nĩ Ũũragia, “Jehova Arĩ Kũ?”
Thutha wa ithandũkũ rĩa kĩrĩkanĩro gũcokio Isiraeli na rĩgĩikara Kiriathu-jearimu mĩaka mĩingĩ, Mũthamaki Daudi nĩ eerirĩirie kũrĩtwara Jerusalemu. Nĩ aaranĩirie na anene a andũ na akiuga atĩ Ithandũkũ rĩu nĩ rĩngĩathamirio ‘mangĩonire arĩ wega na ũndũ ũcio ũkorũo wĩtĩkĩrĩkĩte harĩ Jehova.’ No ndathuthuririe na kinyi nĩguo amenye wendi wa Jehova ũndũ-inĩ ũcio. Korũo nĩ eekĩte ũguo, Ithandũkũ rĩtingĩakuuirũo na gakaari ga gũkururio. Rĩngĩakuuirũo nĩ Alawii Akohathu ciande-inĩ ciao, o ta ũrĩa Ngai aaugĩte. O na gũtuĩka Daudi nĩ aatuĩragia ũhoro harĩ Jehova maita maingĩ, riita rĩrĩ ndeekire ũguo na njĩra ĩrĩa yagĩrĩire. Maumĩrĩro maarĩ moru mũno. Thutha-inĩ Daudi aaugire ũũ: “Marakara ma Jehova Ngai witũ nĩ maatũrĩrĩmbũkĩire, nĩ gũkorũo tũtiatuĩririe mũtaratara ũrĩa wagĩrĩire.”—1 Maũndũ ma Matukũ ma Tene 13:1-3; 15:11-13; Ndari 4:4-6, 15; 7:1-9.
Hihi nĩ Ũũragia, “Jehova Arĩ Kũ?”
Mũthia-inĩ rĩrĩa Ithandũkũ rĩakuuirũo nĩ Alawii kuuma nyũmba-inĩ ya Obedi-edomu rĩgĩtwarũo Jerusalemu, rwĩmbo rũrĩa rwatungĩtwo nĩ Daudi nĩ rwainirũo. Rwarĩ na kĩririkania gĩkĩ: “Caragiai Jehova o na hinya wake. Caragiai ũthiũ wake hingo ciothe. Ririkanai mawĩra ma magegania marĩa ekĩte, o na ciama ciake na matuĩro marĩa amenyithanĩtie.”—1 Maũndũ ma Matukũ ma Tene 16:11, 12.
FEBRUARĨ 20-26
MŨTHITHŨ KUUMA KIUGO-INĨ KĨA NGAI | 1 MAŨNDŨ MA MATUKŨ MA TENE 17-19
“Tũũria Gĩkeno o na Matanya Maku Maga Gũkinyanĩra”
w06 7/15 19 kĩb. 1
Wĩciragie Ũhoro wa Wega wa Ithondeka rĩa Jehova
DAUDI wa Isiraeli ya tene nĩ ũmwe wa andũ arĩa moĩkaine mũno arĩa marĩrĩirio Maandĩko-inĩ ma Kĩhibirania. Aarĩ mũrĩithi, mũini, mũnabii, na mũthamaki, na nĩ eehokete Jehova Ngai biũ. Wendo wake mũnene harĩ Jehova nĩ wamũtindĩkire kwenda gwakĩra Ngai nyũmba. Nyũmba-inĩ ĩyo, kana hekarũ, nĩkuo ũthathaiya wa ma ũngĩekagĩrũo thĩinĩ wa Isiraeli. Daudi nĩ aamenyaga atĩ maũndũ marĩa mangĩekagĩrũo hekarũ-inĩ ĩyo nĩ mangĩareheire andũ a Ngai gĩkeno na irathimo. Nĩkĩo aainire ũũ: “Gũkena nĩ mũndũ ũrĩa wee [Jehova] ũthuuraga na ũkamũrehe hakuhĩ nawe nĩguo aikarage kũu nja-inĩ ciaku. Nĩ tũrĩiganagĩra nĩ ũndũ wa wega wa nyũmba yaku, hekarũ yaku theru.”—Thaburi 65:4.
FEBRUARĨ 27–MACHI 5
MŨTHITHŨ KUUMA KIUGO-INĨ KĨA NGAI | 1 MAŨNDŨ MA MATUKŨ MA TENE 20-22
Kũmaatha Maũndũ ma Bata Maandĩko-inĩ
w05 10/1 11 kĩb. 6
Matemo Kuuma Ibuku-inĩ rĩa Maũndũ ma Matukũ ma Tene wa Mbere
21:13-15. Jehova aathire mũraika arũgamie ihũũra tondũ nĩ aiguaga ũũru ona andũ ake makĩnyamarĩka. Hatarĩ nganja, “tha ciake nĩ nyingĩ mũno.”