Gũcokera Maũndũ ma Cukuru ya Ũtungata wa Gĩtheokrasi
Ciũria ici nĩ ikaarĩrĩrio thĩinĩ wa Cukuru ya Ũtungata wa Gĩtheokrasi kiumia kĩa Februarĩ 25, 2013. Tarĩki iria o ũndũ ũbangĩirũo kwarĩrĩrio o nacio nĩ cionanĩtio nĩguo mũndũ eke ũthuthuria akĩhaarĩria cukuru o kiumia.
1. Nĩ kĩĩ gĩatũmire Jesu oige atĩ gũkena nĩ “arĩa marĩ na kĩeha”? (Mat. 5: 4) [Jan. 7, w09-SW 2/15 kar. 6 kĩb. 6]
2. Thĩinĩ wa ihoya rĩa kĩonereria rĩrĩa Jesu aarutire arutwo ake-rĩ, eendaga kuuga atĩa rĩrĩa oigire: “Ndũgatũtware magerio-inĩ”? (Mat. 6:13) [Jan. 7, w04-SW 2/1 kar. 16 kĩb. 13]
3. Nĩ kĩĩ gĩatũmire Jesu oige atĩ arutwo ake matingĩgaakorũo magomanĩtie kũhunjia matũũra mothe “Mũrũ wa mũndũ atokĩte”? (Mat. 10:23) [Jan. 14, w10-SW 9/15 kar. 10 kĩb. 12; w87-E 8/1 kar. 8 kĩb. 6]
4. Nĩ maũndũ marĩkũ merĩ monanagio nĩ ngerekano ya Jesu ya kahĩndĩ ga karatarĩ? (Mat. 13:31, 32) [Jan. 21, w08-SW 7/15 kar. 17-19 kĩb. 3-8]
5. Nĩ ũndũ ũrĩkũ Jesu eendega kũrutana rĩrĩa oigire ũũ: “Mũngĩaga kũgarũrũka mũtuĩke o ta twana, mũtirĩ hingo mũgatonya ũthamaki-inĩ wa Igũrũ”? (Mat. 18:3) [Jan. 28, w07-SW 2/1 kar. 9-10 kĩb. 3-4]
6. Ciugo cia Jesu, “wee nĩwoiga” nĩ kuuga atĩa? (Mat. 26:63, 64) [Feb. 11, w11-SW 6/1 kar. 18]
7. Jesu etagwo ‘Mwathani wa gwathaga o na thabatũ’ nĩkĩ? (Mar. 2:28) [Feb. 18, w08-SW 2/15 kar. 28 kĩb. 7]
8. Nĩ kĩĩ gĩatũmire Jesu acokie ũrĩa aacokirie kwerekera nyina na ariũ a ithe, na ũndũ ũcio ũtũrutaga atĩa? (Mar. 3:31-35) [Feb. 18, w08-SW 2/15 kar. 29 kĩb. 5]
9. O ta ũrĩa handĩkĩtwo thĩinĩ wa Mariko 8:22-25, Jesu hihi aahonirie mũndũ ũcio warĩ mũtumumu na matĩna merĩ nĩkĩ, na ũndũ ũcio ũngĩtũruta atĩa? [Feb. 25, w00-SW 2/15 kar. 17 kĩb. 7]
10. Nĩ ũndũ ũrĩkũ twĩrutaga kuumana na ũrĩa Jesu eekire arũithio nĩ Petero thĩinĩ wa Mariko 8:32-34? [Feb. 25, w08-SW 2/15 kar. 29 kĩb. 6]