Omapsalme
93 Jehova okwa ninga Ohamba!
Okwa djala ewapalo;
Jehova okwa djala eenghono;
Okwe di djala ngaashi omwiya.
2 Olukalwapangelo loye ola dikwa po la pama okudja nale;
Owa kala ko okudja nalenale.
3 Omwene Jehova, omilonga oda kunguluka,
Omilonga oda kunguluka noda popoma;
Omilonga otadi twikile okukunguluka nokundwafuka.
4 Ashike ove, Jehova, owa tumbala meulu
Kombada yomalinyengo omeva mahapu,
E na eenghono e dule omakufikufi efuta taa wilauka.
5 Omadimbulukifo oye oku shii okulineekelwa filufilu.
Omwene Jehova, ouyapuki owa feweka* eumbo loye efimbo alishe.