Omafimbo otete
27 Ou omuvalu wOvaisrael, omitwe domaukwaneumbo omapata, omalenga taa pashukile omayovi nomafele novawiliki vavo, ovo va li hava yakula ohamba moshinima keshe shi na sha neengudu, odo da li hadi uya mo nokudja mo omwedi keshe, momukokomoko wodula aishe; mongudu keshe omwa li 24 000.
2 Ou a li ta kwatele komesho ongudu yotete yomwedi wotete oJasobeam, omonamati waSabdiel, nomongudu yaye omwa li 24 000. 3 Movanamati vaPeres, Jasobeam oye a li omutwe womalenga aeshe eengudu odo da pewa di longe momwedi wotete. 4 Ou a li ta kwatele komesho ongudu yomwedi omutivali oDodai, Omuahohi, pamwe nongudu yaye, na Miklot oye a li omuwiliki, nomongudu yaye omwa li 24 000. 5 Elenga longudu onhinhatu, oyo ya pewa i longe momwedi omutitatu oBenaia, omonamati womupristeri omukulunhu, Jehoiada, nomongudu yaye omwa li 24 000. 6 Benaia okwa li omukwaita omunaenghono, umwe womovakwaita omilongo nhatu, noye a li omuwiliki wovakwaita ovo omilongo nhatu, nomonamati waye, Ammisabad, oye a li omuwiliki wongudu yaye. 7 Mongudu onhine yomwedi omutine oAsahel, omumwaina waJoab, nomonamati waye, Sebadia, oye e mu shikula, nomongudu yaye omwa li 24 000. 8 Elenga etitano, lomwedi omutitano oSamhut, Omuisrahia, nomongudu yaye omwa li 24 000. 9 Omutihamano, womwedi omutihamano, oIra, omonamati waIkkes, Omutekoa, nomongudu yaye omwa li 24 000. 10 Mongudu onhiheyali yomwedi omutiheyali, oHeles, Omupeloni, womOvaefraim, nomongudu yaye omwa li 24 000. 11 Mongudu onhihetatu yomwedi omutihetatu, oSibbekai, Omuhusai, womOvaserahi, nomongudu yaye omwa li 24 000. 12 Mongudu onhimuwoi yomwedi omutimuwoi, oAbieser, Omuanatot, womOvabenjamin, nomongudu yaye omwa li 24 000. 13 Mongudu onhimulongo yomwedi omutimulongo, oMaharai, Omunetofa, womOvaserahi, nomongudu yaye omwa li 24 000. 14 Mongudu onhi-11 yomwedi omuti-11, oBenaia, Omupiratoni, womovanamati vaEfraim, nomongudu yaye omwa li 24 000. 15 Mongudu onhi-12 yomwedi omuti-12, oHeldai, Omunetofa, womoludalo laOtniel, nomongudu yaye omwa li 24 000.
16 Ava ovawiliki vomapata aIsrael: MOvaruben, Elieser, omonamati waSikri, oye a li omuwiliki; mOvasimeon, oSefatia, omonamati waMaaka; 17 mOvalevi, oHashabia, omonamati waKemuel; muAron, oSadok; 18 muJuda, oElihu, umwe womovamwaina vaDavid; muIsaskar oOmri, omonamati waMikael; 19 muSebulon, oIsmaia, omonamati waObadja; muNaftali, oJerimot, omonamati waAsriel; 20 mOvaefraim, oHosea, omonamati waAsasia; metata lepata laManasse, oJoel, omonamati waPedaia; 21 metata lepata laManasse muGilead, oIddo, omonamati waSakaria; muBenjamin, oJaasiel, omonamati waAbner; 22 muDan, oAsareel, omonamati waJeroham. Oo okwa li omalenga omapata aIsrael.
23 David ina valula ovo ve na eedula 20 okuyuka pedu, molwaashi Jehova okwa udaneka okuhapupalifa Israel, ngaashi eenyofi dokeulu. 24 Joab, omonamati waSerua, okwa hovela okuvalula, ashike ina mana; ehandu laKalunga ola hanga Israel* omolwoshinima osho, nomuvalu oo kawa li wa shangwa mondjokonona yopefimbo lohamba David.
25 Asmavet, omonamati waAdiel, oye a li ta pashukile eemhungulilo dohamba. Jonatan, omonamati waUssia, okwa li ta pashukile eemhungulilo* domoshilongo, domoilando, domomikunda nodomeeshungongulu. 26 Esri, omonamati waKelub, oye a li ta pashukile ovanailonga vomoshilongo, ovo hava longo omapya. 27 Simei, Omurama, okwa li ta pashukile oikunino yomandjebele; Sabdi, Omusifmot, okwa li ta pashukile eemhungulilo domaviinyu. 28 Baal-hanan, Omugeder, okwa li ta pashukile omiti deemono nosho yo omiti da fa omikwiyu* muShefela; Joas okwa li ta pashukile eemhungulilo domaadi. 29 Sitrai, Omusharon, okwa li ta pashukile eengobe, odo da li hadi lifwa muSharon, na Shafat, omonamati waAdlai, okwa li ta pashukile eengobe momalufilu. 30 Obil, Omuismael, okwa li ta pashukile eengamelo; Jegdeia, Omumeroni, okwa li ta pashukile eendongi.* 31 Jasis, Omuhagri, okwa li ta pashukile eedi noikombo. Aveshe ovo ova li omalenga omamona ohamba David.
32 Jonatan, omutekulu waDavid, okwa li omuyandjimayele, omulumenhu e na eudeko nokwa li hamushanga, na Jehiel, omonamati waHakmoni, okwa li ta pashukile ovanamati vohamba. 33 Ahitofel okwa li omuyandjimayele wohamba, na Husai, Omuarki, okwa li kaume* kohamba. 34 Konima yaAhitofel okwa shikula Jehoiada, omonamati waBenaia, naAbjatar; Joab oye a li ondjai yetangakwaita lohamba.