Omapsalme
Li na sha naSalomo.
72 Kalunga kange, yandja omatokolo oye kohamba,
Nouyuki woye u pa omonamati wohamba.
2 Nai popile oshiwana shoye pauyuki,
Novadinwa voye pauyuki.
3 Eemhunda nadi etele ovanhu ombili,
Noikulundudu nai ete ouyuki.
6 Otai ka kala ngaashi odula tai loko omwiidi wa tetwa,
Ngaashi omata odula, oo taa tutike edu.
8 Otai ka kala i na ovapangelwa,* okudja kefuta fiyo okefuta,
Nokudja komulonga* fiyo okominghulo dedu.
9 Ovakalimo vomombuwa otave ke i linyongamena,
Novatondi vayo otava ka lafa ondwi.
10 Eehamba dokuTarsis nodokounhunhu otadi ka futa eemhale.*
Eehamba dokuSheba nodokuSeba otadi ka yandja eeshali.
11 Eehamba adishe otadi ke i linyongamena,
Noiwana aishe otai ke i longela.
12 Osheshi otai ka xupifa ohepele oyo tai lilile ekwafo,
Nosho yo omudinwa nakeshe oo ehe na omukwafi.
13 Otai ka fila onghenda omudinwa nohepele,
Neemwenyo deehepele otai di xupifa.
14 Otai va amene* komafininiko nokelongifo leenghono,
Ohonde yavo oi na ondilo momesho aye.
15 Nai kale nomwenyo, nokupewa oshingoli shokuSheba.
Nai ilikanenwe alushe,
Nokunangekwa noupuna efimbo alishe.
Oiimati yayo otai ka hapupala ngaashi oyo yomuLibanon,
Nomoilando otamu ka mboboloka ovanhu ngaashi oimeno yokombada yedu.
17 Edina layo nali kale po fiyo alushe,
Lo nali kalelele, ofimbo ku na etango.
Ovanhu nave limonene omanangeko noupuna okupitila muyo;
Oiwana aishe nai popye kutya ohamba oya hafa.
18 Jehova Kalunga na tangwe, Kalunga kaIsrael,
Oo aeke ha ningi oinima ikumwifi.
19 Edina laye la tumbala nali tangwe fiyo alushe,
Noshinge shaye nashi yadife edu alishe.
Amen, Amen.
20 Apa opo pa xulila omailikano aDavid, omonamati waIsai.