Hesekiel

23 Ondjovo yaJehova oye uya vali kwaame tai ti: 2 “Omona womunhu, opa li ovakainhu vavali, ovo va li ovanakadona vaina imwe. 3 Ova ninga eembwada muEgipiti; okudja kounyasha wavo ova kala eembwada. Omavele avo okwa myanghelwa oko, nova kwatwakwatwa keenhulo davo, eshi va li oukadona elela.* 4 Omadina avo okwa li Ohola,* oo a li omukulunhu, nondenge yaye, Oholiba.* Ova ninga vange, nova dala ovanamati novanakadona. Shi na sha nomadina avo, Ohola oSamaria, naOholiba oJerusalem.

5 “Ohola okwa hovela noumbwada waye, ofimbo a li wange. Okwa shikula ovaholike vaye, ovashiinda shaye Ovaassiria, omolwomahalo aye opamilele. 6 Ova li oongoloneya va djala oikutu imbulau nosho yo ovapangeli veendodo dopedu, ovalumenhu aveshe ovanyasha vawa, va londa keenghambe davo. 7 Okwa twikila okulinyateka ye mwene novanamati vaAssiria, aveshe ovo va fimana neenghono, nokwe linyateka ye mwene noikalunga itondifa* yaavo a hokwa. 8 Ina efa po oumbwada, oo a kala e litula muo muEgipiti, osheshi okudja kounyasha waye ova kala tava nangala naye, nova kwatakwata onhulo* yaye, eshi a li okakadona elela, nokutilila omahalo* avo kuye. 9 Onghee onde mu yandja meke lovaholike vaye, ovo a li e hole unene, ovanamati vaAssiria, ovo a li a hokwa. 10 Ova holola epenge laye, nova kwata po ovanamati novanakadona vaye, nove mu dipaa neongamukonda. Okwa li a shiivikila edina lii mokati kovakainhu, nove mu tokola.

11 “Eshi omumwainakadona, Oholiba, e shi mona, omahalo aye okwa li a xwama neenghono, noumbwada waye owa li wa duka neenghono u dule wamumwaina. 12 Omahalo aye okuhola ovashiinda shaye, ovanamati vaAssiria, oongoloneya nosho yo ovapangeli veendodo dopedu, ovo va li va djala oikutu yondilo, nova londa keenghambe, ovalumenhu ovanyasha aveshe ovo vawa, okwa li a xwama. 13 Eshi e linyateka ye mwene, onda mona kutya aveshe ova shikula ondjila ya faafana. 14 Ashike okwa twikila okuweda ko koilonga yaye youmbwada. Okwa mona omafano ovalumenhu a takelwa mekuma, omafano Ovakaldea a takwa nokupaindwa noluvala litilyana, 15 va djala omakwamo moiya yavo, ve limanga omalapi komitwe davo a endjelela, ve na eholokepo la fa lovakwaita, aveshe tava ulike kOvababilon, va dalelwa medu lOvakaldea. 16 Diva eshi e va mona, okwa hovela okukala e na ohokwe muvo, nokwe va tumina ovatumwa muKaldea. 17 Onghee ovanamati vaBabilon ova twikila okuuya kombete yaye, va nangale naye, nove mu nyateka nomahalo avo.* Konima eshi a nyatekwa kuvo, okwa* dja po puvo a tonda.

18 “Eshi a twikila okukufa ombinga moumbwada ehe na ouxwenge, nokwa holola epenge laye, onda dja po puye nda tonda, ngaashi ashike nda* dja po pomumwainakadona nda tonda. 19 Nokwa twikila okuhapupalifa oilonga yaye youmbwada, ta dimbuluka omafiku ounyasha waye, eshi a li e lininga ombwada medu laEgipiti. 20 Okwe va shikula nomahalo aye ngaashi ovalumenhu vopomunghulo, ovo oilyo yavo youlumenhu ya fa oyo yondongi nosho yo ovo oilyo yavo yoludalo ya fa oyo yonghambe. 21 Owa djuulukwa elihumbato litondifa lomounyasha woye muEgipiti, eshi va li va kwatakwata onhulo yoye, omavele omounyasha woye.

22 “Onghee hano, Oholiba, eshi osho Omwene Omunamapangelo aeshe, Jehova, ta ti: ‘Ohandi ka xwaxwameka ovaholike voye, ovo ove* wa efa po moku va tonda, nohandi ke va eta ve li omhinge naave okudja keembinga adishe, 23 ovanamati vaBabilon nosho yo Ovakaldea aveshe, ovalumenhu vaPekod novaSoa novaKoa, pamwe novanamati aveshe vaAssiria. Aveshe ova li ovalumenhu ovanyasha vawa, oongoloneya novapangeli veendodo dopedu, omatangakwaita nosho yo ovo va hoololwa,* aveshe va londa keenghambe. 24 Otave ke ku ponokela nomaweelelo omatemba oita, nomalola nosho yo pamwe nongudu inene yomatangakwaita ya ongala, i na oshikelelifo shinene noshikelelifo shinini* nosho yo embale. Otave ke ku dingilila keembinga adishe, odo di li pwoove, nohandi ke va pa eenghonopangelo va tokole, notave ke ku tokola ngaashi tashi va wapalele. 25 Ohandi ke ku ulikila ehandu lange li na sha naave, notava ka ungaunga naave monya yavo. Otava ka teta ko eyulu loye nosho yo omatwi oye, noshixupe shomwoove osho tashi ka fyaala po otashi ka fya keongamukonda. Otava ka kufa po ovanamati voye novanakadona voye, nanye ovo tamu ka xupa po, otamu ka xwikwa po nomundilo. 26 Otave ke ku dula oikutu yoye, noku ku kufa omalyenge* oye mawa. 27 Ohandi ka xulifa po elihumbato loye litondifa nosho yo oumbwada woye, oo wa hovela medu laEgipiti. Oto ka efa po okutala kuvo, noito ka dimbuluka vali nandenande Egipiti.’

28 “Osheshi eshi osho Omwene Omunamapangelo aeshe, Jehova, ta ti: ‘Ondi li poku ku yandja meke laavo u tonde, ovo wa* dja po puvo wa nyanyala. 29 Otava ka ungaunga naave noutondwe, notave ke ku kufa ashishe osho we lilongela, noku ku fiya hamunghele nowa nyanekwa pomutenya. Ohoni yepenge loluhaelo loye nelihumbato loye litondifa nosho yo oumbwada woye otai ka nyanekwa pomutenya. 30 Oto ka ningilwa oinima oyo, osheshi owa kala nokushikula oiwana ngaashi ombwada, molwaashi owe linyateka noikalunga yavo itondifa. 31 Owa shikula ondjila ya faafana naayo yomumwanyokokadona, nohandi ka tula eholo laye meke loye.’

32 “Eshi osho Omwene Omunamapangelo aeshe, Jehova, ta ti:

“Osheshi ame mwene onde shi popya,” Omwene Omunamapangelo aeshe, Jehova, ta ti.’

35 “Onghee hano, eshi osho Omwene Omunamapangelo aeshe, Jehova, ta ti: ‘Molwaashi owa dimbwa nge, nowe lidimbika nge filufilu,* oto ka humbata oilanduliko yelihumbato loye litondifa nosho yo yoilonga yoye youmbwada.’”

36 Opo nee Jehova okwa tya kwaame: “Omona womunhu, mbela oto ka tokola ngoo Ohola naOholiba, noku va lombwela shi na sha noilonga yavo itondifa? 37 Ova haela,* nove na ohonde momake avo. Inava ya ashike moluhaelo noikalunga yavo itondifa, ndele ova ningifa yo ovanamati vavo, ovo va dalela nge, va ende momundilo ve li ngaashi oikulya yoikalunga yavo. 38 Shikwao vali, eshi osho va ningila nge: Ova nyateka onhele yange iyapuki mefiku olo, nova nyateka omashabata ange. 39 Konima eshi va dipaa ovanamati vavo, ve li omayambo oikalunga yavo itondifa, ove uya monhele yange iyapuki, ve i nyateke mefiku olo tuu olo. Osho osho va li va ninga meni leumbo lange. 40 Ova tuma nokuli omutumwa, a ka ifane ovalumenhu okudja kokule. Eshi va li tave uya, owe likosha nokumbapeka omesho oye, nowe liwapeka noulyenge. 41 Nowa kala omutumba koshipundi sha denga mbada, shi na oshitaafula sha yalwa shi li komesho yasho, oko wa tula oitwimifo nomaadi ange. 42 Ewi longudu yovalumenhu, vehe na oshisho, ola li la udika oko, omo mokati kavo mwa li eengholwe, odo da li da etwa mo da dja mombuwa. Ova dika oivela komake ovakainhu nosho yo oikoroni iwa komitwe davo.

43 “Opo nee onda popya shi na sha naye, oo a li a lolokifwa kokuhaelwa, kutya: ‘Paife ota ka twikila noumbwada waye.’ 44 Onghee ova twikila okuya kuye, ngaashi naanaa umwe ta i kombwada. Osho va ya ngaho kuOhola nosho yo kuOholiba, ovakainhu ve na elihumbato litondifa. 45 Ndele ovalumenhu ovayuki otave ke mu pa etokolo tali wapalele omolwokuteya ohombo nosho yo okutilashi ohonde; osheshi ove li ovateyi vohombo nove na ohonde momake avo.

46 “Osheshi eshi osho Omwene Omunamapangelo aeshe, Jehova, ta ti: ‘Etangakwaita otali ka etwa kuvo li va etele oumbada nokunyeka ko oinima yavo. 47 Etangakwaita otali ke va kupula nomamanya noku va tetaula nomaongamukonda avo. Otali ka dipaa ovanamati novanakadona vavo, nokuxwika po omaumbo avo nomundilo. 48 Ohandi ka xulifa po elihumbato litondifa moshilongo, novakainhu aveshe otave ke lihonga oshilihongomwa, noitava ka hopaenena elihumbato leni litondifa. 49 Otali ke mu etela oilanduliko yelihumbato leni litondifa nosho yo yomatimba eni oikalunga yeni itondifa; nomu na oku ka shiiva kutya aame Omwene Omunamapangelo aeshe, Jehova.’”