Omafimbo otete
24 Oludalo laAron ola li la tukulwa meengudu edi: Ovanamati vaAron ovo: Nadab, Abihu, Eliaser naItamar. 2 Ashike Nadab naAbihu ovo va fya tete kuxe, nokava li ve na nande ovanamati, ashike Eliaser naItamar ova twikila okulonga ve li ovapristeri. 3 David pamwe naSadok, a dja movanamati vaEliaser, naAhimelek, a dja movanamati vaItamar, ove va tukula she likolelela koilonga yavo. 4 Molwaashi ovanamati vaEliaser ova li ve na ovawiliki vahapu ve dule ovanamati vaItamar, ove va tukula ngaha: Ovanamati vaEliaser ova li ve na omitwe domaukwaneumbo omapata avo 16, novanamati vaItamar ova li ve na omitwe domaukwaneumbo omapata avo 8.
5 Natango, ova tukula ovanamati vaEliaser novanamati vaItamar pashihoololifo, molwaashi omalenga onhele iyapuki nomalenga aKalunga kashili okwa dja meengudu odo. 6 Opo nee Shemaia, omonamati waNetanel, hamushanga wOvalevi, okwa shanga omadina avo moipafi yohamba, yomalenga, yomupristeri Sadok, yaAhimelek, omonamati waAbjatar, noyomitwe domaukwaneumbo omapata ovapristeri nOvalevi. Omaukwaneumbo omapata oludalo laEliaser naItamar okwa hoololwa pamalufo.
7 Oshihoololifo shotete osha kwata Jojarib; oshitivali oJedaia, 8 oshititatu oHarim, oshitine oSeorim, 9 oshititano oMalkia, oshitihamano oMiyamin, 10 oshitiheyali oHakkos, oshitihetatu oAbia, 11 oshitimuwoi oJesua, oshitimulongo oSekania, 12 oshiti-11 oEliashib, oshiti-12 oJakim, 13 oshiti-13 oHuppa, oshiti-14 oJesebeab, 14 oshiti-15 oBilga, oshiti-16 oImmer, 15 oshiti-17 oHesir, oshiti-18 oHappisses, 16 oshiti-19 oPetahja, oshiti-20 oJeheskel, 17 oshiti-21 oJakin, oshiti-22 oGamul, 18 oshiti-23 oDelaia noshiti-24 oMaasia.
19 Oyo oya li oilonga yavo, eshi va li have uya keumbo laJehova, she likolelela komulandu oo wa tulwa po kuxekulululwa, Aron, ngaashi ashike Jehova, Kalunga kaIsrael, e mu lombwela.
20 Ovanamati vakwao vaLevi ovo: movanamati vaAmram opa li Subael; movanamati vaSubael oJegdeia; 21 MuRehabia; movanamati vaRehabia oIsshia, omutwe; 22 mOvaishar, oSelomot; movanamati vaSelomot oJahat; 23 movanamati vaHebron oJeria, omutwe, omutivali oAmaria, omutitatu oJahasiel nomutine oJekameam; 24 movanamati vaUsiel oMika; movanamati vaMika oSamir. 25 Omumwaina waMika oIsshia; movanamati vaIsshia oSakaria.
26 Ovanamati vaMerari ovo: Mahli naMushi; movanamati vaJaasia oBeno. 27 Ovanamati vaMerari ovo: muJaasia, oBeno, Soham, Sakkur naIbri; 28 muMahli oEliaser, oo a li ehe na nande omonamati; 29 muKish: ovanamati vaKish oJerahmeel; 30 novanamati vaMushi ovo: Mahli, Eder naJerimot.
Ovo ovanamati vaLevi, pamaukwaneumbo omapata avo. 31 Ova umba yo oshihoololifo, ngaashi ashike ovamwaina, ovanamati vaAron, va ninga moipafi yohamba David, yaSadok, yaAhimelek noyomitwe domaukwaneumbo omapata ovapristeri nOvalevi. Oukwaneumbo wepata laao a kula owa li wa ungaungiwa nao monghedi ya faafana nowaau munini.