Omayeletumbulo
13 Omonamati omunaendunge oha tambula ko outekuduliko waxe,
Ndele omusheki iha pwilikine kehanyeno.*
3 Ou ta pangele okanya* kaye ota amene omwenyo waye,
Ndele oo ita pangele okanya kaye ota ka hangwa koudjuu.
4 Omukwandede okwe lihalela oinima ihapu, ashike ye* ke na sha,
5 Omuyuki oku tonde oipupulu,
Ndele eenghatu domukolokoshi otadi mu fifa ohoni noku mu etela elengwa.
6 Ouyuki otau amene ondjila yomunhu oo ehe na ondjo,
Ndele omulunde ota ka hanaunwa po koukolokoshi waye.
7 Ope na oo he liningifa a fa oshipuna, ndele ke na sha;
Ope na yo oo he liningifa a fa ohepele, ndele oshipuna.
8 Oupuna oo oikulila yomwenyo womunhu,
Ashike eehepele ihadi kala di na outile washa.*
9 Ouyelele wovayuki owa minikila wa twa,*
Ashike olamba yovakolokoshi otai ka dimwa.
10 Elinenepeko otali etifa okuhaudafana,
Ashike ovo hava kongo omayele* ohava nongopala.
11 Oupuna wa likolwa meendelelo* otau hanauka po diva,
Ndele oupuna waao ha ongele kanini nakanini* otau hapupala.
12 Ngeenge osho omunhu a teelela itashi uya, ohashi yahameke omutima waye,
Ndele ngeenge osho a teelela oshe uya, osha fa omuti womwenyo.
13 Keshe oo e tonde ehongo* ota ka pewa ehandukilo,
Ndele oo a fimaneka omhango* ota ka pewa ondjabi.
14 Ehongo* lomunaendunge olo odjo yomwenyo;
Ohali amene umwe keemwiyo defyo.
15 Omunhu oo e na eendunge oha ungaungiwa naye nawa kuvamwe,
Ndele onghalamwenyo yovanamakoto oi yadi omaupyakadi.
16 Omunaendunge oha diladila, ofimbo ina katuka,
Ashike elai ohali holola mo oulai walo aushe.
17 Omutumwa mwii ota etifa oupyakadi,
Ashike omutumwa omudiinini ota eta etumwalaka liwa.
18 Keshe oo ta tondo outekuduliko ota ka hepa nota ka fya ohoni,
Ashike oo ta tambula ko epukululo ota ka fimanekwa.
19 Omunhu* oha kala a hafa, ngeenge ehalo laye la wanifwa po,
Ashike elai oli tonde okweefa po owii.
20 Oo ha ende novanaendunge ota ka kala omunaendunge,
Ndele oo ha ende nomalai, ota ka laipala.
21 Ovalongi vowii otava ka hangwa komaudjuu,
Ashike ovayuki otava ka nangekwa noupuna.
22 Omunhu oo ha longo ouwa oha fiile ovatekulu vaye efyuululo,
Ashike emona lovalongi vowii otali tuvikililwa ovayuki.
23 Epya lohepele la longwa nawa ohali menifa oikulya ihapu,
Ashike otashi dulika li* kombwe po kokuhenouyuki.
24 Keshe oo ita longifa oshimwati* shaye, oku tonde omonamati waye,
Ashike oo e hole omonamati waye ote mu pe outekuduliko nawanawa.*
25 Omuyuki ota li, ndele ta kutifa omwenyo waye,
Ashike medimo lomukolokoshi kamu na sha.