Omapsalme

86 Omwene Jehova, pakaleka okutwi kwoye,* nou nyamukule nge,

Osheshi onda fininikwa nonda hepa.

Xupifa omupiya woye oo te ku lineekele,

Osheshi oove Kalunga kange.

 3 Omwene Jehova, file nge onghenda,

Osheshi ohandi ku ifana efimbo alishe.

 4 Hafifa omupiya woye,*

Osheshi ohandi kongo ekwafo,* Omwene Jehova.

 5 Osheshi ove, Omwene Jehova, oumuwa, nowe lilongekida okudimina po;

Oho ulikile aveshe ovo have ku ifana ohole inene i na oudiinini.

 6 Omwene Jehova, pwilikina keilikano lange;

Nokuyandja elitulemo, eshi handi pula ekwafo.

 7 Ohandi ku ifana mefiku loudjuu wange,

Osheshi oho nyamukula nge.

 8 Omwene Jehova, kape na oo e ku fa mokati kookalunga,

Kape na oilonga ya fa yoye.

 9 Oiwana aishe, oyo wa shita,

Otai uya, ndele tai ku linyongamene, Omwene Jehova,

Notai ka fimaneka edina loye.

10 Osheshi ove oumunene, noho longo oilonga ikumwifi;

Oove auke Kalunga.

12 Omwene Jehova, Kalunga kange, ohandi ku tange nomutima wange aushe,

Nohandi fimanekifa edina loye fiyo alushe,

13 Osheshi ohole yoye i na oudiinini, oyo wa ulikila nge, oinene,

Nowa xupifa omwenyo* wange uha ye moule wOmbila.*

14 Omwene Kalunga, ovanhu ovalinenepeki ova fikama va lwife nge;

Ongudu yovanhu ovakwanyanya otai kongo omwenyo wange,

Noinave ku fimaneka.*

15 Ashike ove, Omwene Jehova, oKalunga omunanghenda nomunalukeno,*

Iho handuka diva, nou na filufilu ohole i na oudiinini nosho yo oudiinini.*

Pa omupiya woye eenghono,

Ndele to xupifa omonamati womupiya woye okakadona.

17 Ulikile nge edidiliko* louwa woye,

Opo ovo ve tonde nge ve shi mone nova fifwe ohoni.