Oshali ilipi hatu dulu okupa Jehova?

JESUS okwa ti: “Okuyandja oku nelao komesho yokutambula.” (Oil. 20:35) Eendjovo odo oda kwatela mo ekwatafano letu naJehova. Omolwashike mbela? Jehova okwe tu pa eeshali dihapu odo hadi tu etele ehafo, ndele ohatu dulu okumona ehafo linene mokupa Jehova oshali. Oshali ilipi hatu dulu okupa Jehova? Omayeletumbulo 3:9 okwa ti: “Omwene mu fimaneka neliko loye.” ‘Eliko’ letu ola kwatela mo efimbo letu, owino wetu, eenghono detu nosho yo oinima yetu yopamaliko. Eshi hatu longifa oiniwe yetu tu xumife komesho elongelokalunga lashili, kungaho ohatu pe Jehova oshali, nokuninga ngaho ohaku tu etele ehafo linene.

Ngeenge tashi uya poinima yetu yopamaliko, oshike tashi ke tu kwafela tuha efe okupa Jehova oshali? Omuyapostoli Paulus okwa li a lombwela Ovakorinto va “tuvikile sha” momaumbo avo ve ke shi yandje momayambidido. (1 Kor. 16:2) Oshike to dulu okuninga ngeenge owa hala okumona ouyelele muhapu u na sha neenghedi dokuyandja omayambidido moshitukulwa sheni? Tala okamhungu taka landula.

Moilongo imwe, ito dulu okuyandja omayambidido paintaneta. Ashike oto dulu okutala omauyelele e na sha neenghedi dimwe vali dokuyandja omayambidido kepandja olo. Moilongo imwe, oto dulu okutala omukanda kepandja olo u na omanyamukulo komapulo oo haa pulwa luhapu shi na sha nokuyandja omayambidido.