Omashiivifo

◼ Oileshomwa oyo i na okuyandjwa meemwedi tadi landula: Februali: Osho tashi dulu okukwafela oukwaneumbo u kale wa hafa shili. Marsa: Ombibeli otai hongo lela shike? Aprili naMei: Oifo yOshungonangelo no-Awake!

◼ Oshipopiwa shomoipafi she likalekelwa shi na sha nEdimbuluko lomo 2011 otashi ka kala shi na oshipalanyole, “Mbela omafinamhango Ombibeli otaa dulu ngoo oku tu kwafela tu dule okuungaunga nomaupyakadi kunena?”

◼ MOsoondaxa yo 17 Aprili, mefiku lEdimbuluko, itamu ka ningwa okwoongala kakele ashike kelongekido loilonga yomomapya. Omaongalo oo haa ongala mefiku olo otaa dulu okuninga okwoongala oko mefiku limwe li li. Ngeenge ope na omaongalo mahapu oo haa longifa Olupale lOuhamba limwe noitaa dulu okuninga po omalunduluko asha shi na sha nokwoongala kwao, otaa dulu okukala inaa ninga okwoongala kwomOsoondaxa. Ngeenge osho shi li ngaho, omaukwaneumbo otaa ladipikwa a ninge Ekonakono lOshungonangelo pefimbo lEkonakono lOukwaneumbo.

◼ Ovakulunhuongalo ove na okumanifa omalongekido e na sha noshikonga shokuya koitukulwa oyo ihai longwa osho tashi ka kala ko muMarsa, Aprili nosho yo Mei 2011. Shilipalekeni kutya eongalo leni oli na oishangomwa ya wana nonokutya ola shiivifilwa omafiku omo oshikonga tashi ka kala ko, konhele oko taku ka longwa, opo tamu ka kala nosho yo omalongekido e na sha noyeendifo. Omaongalo oo itaa ka kufa ombinga moshikonga osho oku na okuyandja elitulemo koitukulwa yao oyo hai longwa ashike omalufe.