Mbela oileshomwa yange oi li ngoo monghalo iwa?

Oshiwa alushe okulipula epulo la tya ngaho fimbo inatu ka yandja oileshomwa. Oshileshomwa keshe she litonya keexulo, sha shunduka, sha kaka ile sha tauka, otashi ka shekifa ehangano notashi dulu okwiimba omuneumbo a yandje elitulemo ketumwalaka lihokwifa notali xupifa eemwenyo olo li li mo.

Ongahelipi hatu dulu okukaleka oileshomwa yetu monghalo iwa? Ovanhu vahapu ohava mono shiwa okupakela oileshomwa yavo meendjato pamaludi ayo. Pashihopaenenwa, ohava pakele nawa eendjato davo, omambo a shikulafana, oifo, oubroshure, outraktate nosho tuu. Ngeenge tava shuna Eembibeli noileshomwa yavo aishe meendjato ohave i tula nawa peenhele iha lemanekwe kuikwao. Ovaudifi vamwe ohava humbatele oileshomwa yavo momapeko ile meenailona dihe na oluvala. Ndele kashi na nee mbudi kutya ohatu longifa omukalo ulipi, inatu hala nandenande okushekifa oukalele wetu mokuyandja oileshomwa ihe li monghalo iwa. — 2 Kor. 6:3.