Eitavelo loye ola pamenena shi fike peni momaudaneko aJehova?

Josua naSalomo ova popya va tomhwa kutya kape na nande ondjovo imwe yomomaudaneko aJehova ya kala inai wanifwa. (Jos 23:14; 1Eeh 8:56) Eendombwedi odo mbali oda popya oumbangi u shi okulineekelwa notau tu kwafele tu pameke eitavelo letu. — 2Kor 13:1; Tit 1:2.

Jehova okwa li a wanifa po ngahelipi omaudaneko aye pefimbo laJosua? Taleni okavidio ‘Kape na nande ondjovo imwe inai wanifwa’ pamwe noukwaneumbo weni. Ndele tamu kundafana omapulo taa shikula: (1) Ongahelipi to dulu okuhopaenena eitavelo laRahab? (Heb 11:31; Jak 2:24 -26) (2) Oshihopaenenwa shaAkan osha ulika ngahelipi kutya okuhadulika ohaku eta oilanduliko inyikifa oluhodi? (3) Omolwashike ovakwaita ovaladi Ovagibeon va li ve uya kuJosua noku mu kengelela va pange ombili nOvaisrael? (4) Ondjovo yaJehova oya ka wanifwa ngahelipi eshi eehamba nhano dOvaamori da kala tadi ningile Ovaisrael omatilifo? (Jos 10:5-14) (5) Jehova okwe ku kwafela ngahelipi eshi wa kala wa pitifa komesho Ouhamba nouyuki waye monghalamwenyo yoye? — Mat 6:33.

Eitavelo letu otali ka pama ngeenge otwa kala hatu dilonga kwaashishe osho Jehova a ninga monakudiwa, osho ta ningi paife naasho ta ka ninga monakwiiwa. — Rom 8:31, 32.